高清881 高清903 am864 infomation
12.12.2018
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
上帝深圳落網 引渡無障礙? 
17.12.2008            
     

香港史上最嚴重緃火案主謀,綽號「上帝」嘅蔡錦輝,潛逃12年之後,終於都喺深圳落網。

呢宗緃火案發生喺1997年1月25日星期六凌晨,位於尖沙咀寶勒巷嘅新一代卡拉OK被黑幫緃火,火勢迅速蔓延。當時卡拉OK爆滿,唔少顧客唱歌唱到樂極忘形,聽唔到出面嘅火警鐘,更有顧客因為飲醉酒,搵唔到逃生出口,結果,呢宗緃火案導致十七人死亡,十三人受傷。

喺呢單火災之後,有關當局立即要求全港卡啦OK改善消防設備,宏利消防工程嘅負責人陳國威話當年卡啦OK嘅設備其實好簡陋。

至於案件主謀,綽號「上帝」嘅蔡錦輝,警察公共關係科向雷霆一擊表示,現正同內地公安部門聯絡當中,幾時移交仲未確定。

呢次件事,又再次顯示香港同內地引渡罪犯嘅問題。10月29號,保安局局長李少光就毒販鍾坤成嘅引渡問題就講過:「我哋一定唔希望香港成為一個犯罪——即係話喺外國犯咗罪,走番嚟香港做避風港,但係有一個問題,宜家我哋香港特區同內地係仲未達成引渡逃犯協議,呢樣嘢我哋會加快處理。」

既然宜家並未有引渡條例,咁綽號「上帝」嘅蔡錦輝,宜家係以咩方式移交佢返嚟香港呢?

立法會議員涂謹申就表示:「香港同內地就無正式引渡協議,如果逃犯喺內地係無任何嘅居留權,咁佢只係一個訪客,到咗期,佢始終都要離開,於是內地警方就將佢喺口岸交俾香港警方,其實係一個行政措施,咁如果有好多人喺香港犯咗法,走咗去內地匿埋,咁對香港不利,所以佢為咗我哋嘅好處,如果佢抓到呢啲人,就會交番俾我哋。」

不過,當兩地交流越嚟越頻繁,而兩地間又無一套正式渠道引渡罪犯,所以兩地罪犯究竟喺邊一邊審,有時都會出現好多爭論。好似話綽號「大富豪」嘅張子強,佢雖然喺香港犯案,但係喺1998年被內地法判處死刑。而04年毛玉萍串謀股市造假案,主腦周正毅雖然被廉署通緝,但周正毅最後都係喺內地受審判刑。咁樣講,香港係咪真係需要同內地簽訂引渡條例?

香港已經回歸中國十幾年,到今時今日兩地仲未有一套完善嘅引渡罪犯條例,真係令人難以接受。或者當中涉及嘅問題太複雜,又或者兩地官員嘅工作太煩重。

(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
寶勒巷卡拉OK緃火案一名通…
15.12.2008
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們