高清881 高清903 am864 infomation
07.12.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
併購 M&A
08.02.2012 15:58
 
全球最大商品交易商嘉能可,即將同全球第五大礦商斯特拉塔,以換股方式進行合併。合併之後嘅新集團,有百分之57嘅股權,將會由嘉能可嘅股東持有。
 
併購可以分為合併同埋收購。合併係指兩間或者更多嘅獨立企業,合併組成一間新公司。而收購就係指一間企業,用現金或者公司股票等,去購買另一間企業嘅股票或者資產,嚟得到目標企業嘅控制權。
 
收購亦都分開善意收購同埋敵意收購。所謂善意收購,係指企業事先同目標企業嘅董事會進行協商,得到同意講好條件而完成公司收購。不過如果目標公司董事會唔同意收購嘅話,喺唔理對方係咪同意嘅情況下進行收購活動,呢個就叫做敵意收購。敵意收購最常用嘅手段,係喺市場上大量吸納目標公司嘅股份,意圖入主董事會控制對方。
 
而企業併購嘅目的係擴大生產經營規模,取得充足又廉價嘅生產原料,從而降低成本費用。併購仲可以提高市場份額,增強企業競爭力。另外,併購之後得到嘅唔單只係企業嘅資產,仲可以獲得被收購企業嘅人力資源,管理經驗,生產技術同埋經營網路等等。
 
就好似今次嘉能可同斯特拉塔合併咗之後,集採礦、加工、倉儲、運輸同物流於一身,提高市場份額之餘,仲確立自己喺行業嘅領導地位,成為全球第四大礦業商。



關於商台 服務條款 免責聲明 私隱政策 廣告服務
聯絡我們 FAQ 版權 加入我們