高清881 高清903 am864 infomation
01.10.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
資本充足率 Capital Adequacy Ratio
24.02.2012 15:59
 

銀行係百業之母,好多公司都係靠住銀行借貸嚟維持日常運作,於是一間商業銀行嘅資本就變得非常重要。而商業銀行嘅資本,可以簡單劃分為一級資本同埋二級資本兩個部分。一級資本包括實收資本、資本公積金、盈餘公積金同埋未分配利潤,而二級資本就係指貸款準備金。
 
為咗量度銀行有冇承擔資產損失風險嘅能力,同埋保護存款人以及其他債權人嘅利益、保證銀行可以正常營運。一般嚟講,各國嘅金融管理局都會透過管制商業銀行嘅資本充足率嚟保證銀行可以吸收一定量嘅風險。
 
資本充足率就係用嚟量度一間商業銀行嘅資本同風險嘅比例。資本充足率主要比率有資本對存款嘅比率、資本對負債嘅比率、資本對總資產嘅比率、資本對風險資產嘅比率等等。
 
內地除咗《商業銀行法》對商業銀行嘅資本充足率有規定之外,人民銀行發佈嘅《商業銀行資產負債比例管理暫行監控指標》入面更加明確規定商業銀行整體嘅資本充足率唔可以低過百分之8,一級資本充足率唔可以低過百分之4。
 

而作為國際銀行監督管理基礎嘅《巴塞爾協議II》規定,銀行整體資本充足率標準比例係百分之8,而一級資本充足率唔可以低過百分之4。不過根據20109月中修訂嘅《巴塞爾協議III》就規定由2013年開始,一級資本充足率需要逐步提升至百分之6,而整體資本充足率就會達到百分之10.5以上。

 




關於商台 服務條款 免責聲明 私隱政策 廣告服務
聯絡我們 FAQ 版權 加入我們