高清881 高清903 am864 infomation
07.12.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
對沖基金 Hedge Fund
02.03.2012 16:09
 
星期三我地介紹過基金,今次就講下另外一種基金——對沖基金。對沖基金即係風險對沖過嘅基金,起源於50年代初嘅美國。對沖基金嘅策略係利用期貨、期權、等金融衍生產品以及相關聯嘅股票進行買賣、套戥,喺一定程度上可以避開同埋化解投資風險。
 
同傳統基金唔同,對沖基金嘅目標係爭取絕對回報,所以基金經理喺任何市況之下都係以提供正回報為目標。加上對沖基金嘅特色係回報同市場走勢相關性低,因此對沖基金都有分散風險嘅效果。
 
一般嚟講,對沖基金嘅最低投資額比一般傳統基金較為高,而且只係俾合格投資者投資。同傳統基金比較,對沖基金管制比較少,透明度較低,槓桿比例亦都相對提高。
 
風險方面,就分為策略性同埋結構性兩種。策略性風險係指波幅、槓桿比例、基金經理因素等等。而結構性風險係指基金嘅流通量同埋透明度一啲同基金結構有關嘅風險。每間基金公司都要有風險管理機制嚟管理呢啲風險,包括資料披露要求、設定最高槓桿比率、控制投資組合嘅風險水平之後,先至可以執行對沖基金嘅策略架。
 
其實唔同嘅對沖基金都有佢哋獨特嘅風險,投資者喺考慮投資對沖基金嘅時候,就必須清楚基金嘅投資策略同埋相關風險,睇下係咪自己可接受到嘅水平啦。



關於商台 服務條款 免責聲明 私隱政策 廣告服務
聯絡我們 FAQ 版權 加入我們