高清881 高清903 am864 infomation
29.09.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
流動比率 Current ratio
21.03.2012 15:56
 

如果想知公司嘅短期償債能力嘅話可以留意流動比率。流動比率等於流動資產除以流動負債。佢可以反映一間公司嘅短期還債能力。而公司可唔可以償還短期債務,就要睇下公司有幾多可以一年之內變現嘅流動資產。流動資產越多,短期債務越少,公司嘅短期還債能力就越強。

換句話講,流動比率越低,就暗示公司可能會週轉不靈。而流動比率越高,資產嘅流動性就越大,企業短期償債能力就越強。

但係如果流動比率過高,亦都意味企業有較多嘅資金滯留喺流動資產而冇好好咁運用,例如出現存貨超儲積壓,存在大量應收賬款,擁有過分充裕的現金等,資金周轉可能減慢從而影響資金嘅賺錢能力。所以一般都認為,公司合理嘅流動比率係2。

不過,各行各業嘅經營性質唔同,相對資產流動性嘅要求亦都唔同。例如,商業零售企業所需要嘅流動資產,往往高過製造企業,因為前者需要喺存貨方面投入較大量嘅資金。另外,企業嘅經營同埋理財方式亦都會影響住流動比率,所以唔同行業嘅流動比率並冇劃一標準。

有時企業嘅管理階層為咗粉飾財務指標,可能會人為咁影響流動比率。例如故意將接近年尾要入嘅貨物推遲到下年年初先至購買,又或者年尾嘅時候加速入貨,將計劃下年年初先至購入嘅貨物提前至年中購買等等。所以大家參考流動比率嘅時候,都要小心留意啦。




關於商台 服務條款 免責聲明 私隱政策 廣告服務
聯絡我們 FAQ 版權 加入我們