高清881 高清903 am864 infomation
28.09.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
實體經濟 Real Economy
27.04.2012 15:56
 
最近溫總喺德國發表演說話,如果要戰勝當前嘅國際金融危機,就要大力發展實體經濟。
 
而實體經濟就指物質上同埋精神上嘅產品。包括農業、工業、通信業、商業服務業、建築業等物質生產同埋服務部門,亦都包括教育、文化、知識、訊息、藝術、體育等精神產品嘅生產同埋服務部門。
 
實體經濟喺國民經濟發展過程中有三個功能,就係提供基本生活資料功能,提高人嘅生活水平同埋增強人嘅綜合質素。實體經濟始終係人類社會賴以生存同埋發展嘅基礎。
 
既然有實體經濟,當然有虛擬經濟。虛擬經濟就係指用虛擬資本喺金融系統運轉嘅經濟活動,即係直接用錢搵錢嘅活動,例如金融服務業。虛擬經濟嘅循環就係喺金融市場上,先透過交換,將錢換作借據、股票、債券,然後喺適當嘅時候,再透過交換將借據、股票、債券再變返錢,直接以錢生錢。
 
其實虛擬經濟同實體經濟係息息相關。實體經濟藉助於虛擬經濟,而虛擬經濟亦都要依賴於實體經濟。
 
今次溫總嘅論點其中之一就係大力發展實體經濟,引導更多人力、財力同埋物力投向實體經濟,營造擴大就業同發展實體經濟嘅環境,從以推動世界經濟持續增長。佢認為呢個就係實現世界經濟穩定發展嘅根基啦。



關於商台 服務條款 免責聲明 私隱政策 廣告服務
聯絡我們 FAQ 版權 加入我們