高清881 高清903 am864 infomation
01.10.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
套戥 Arbitrage
01.06.2012 17:09
 

    經濟學上有一個理論,叫做同一價格理論。一件貨品喺兩個唔同嘅地方發售,扣除咗交易費用之後,價錢應該係一樣嘅。不過理論還理論,實際上,一樣相同嘅貨品係唔同嘅地方出售,價錢可以相差好遠。呢個時候,套戥就會出現。

 

    套戥其實就係一種低買高賣嘅策略,同時買入同埋賣出一種商品,從以賺取當中嘅差價。

 

    舉個例子,有一件貨品喺香港賣100 蚊,但係喺美國就賣90蚊。假設冇交易費用,投資者就可以低價買入,高價賣出。喺美國用90蚊買入貨品,之後喺香港用100蚊賣出,就可以賺取當中10蚊嘅差價。

 

    而喺股票市場上,套戥分為價格套戥同埋利息套戥兩種。價格套戥,即係頭先提過嘅,同一時間喺價格較平嘅市場買入,喺另一個價格較高嘅市場沽出,賺取兩者嘅差價。而利息套戥呢,又叫做套息,多數出現喺貨幣市場,套戥方法就係低息借入,同時以高息貸出相同嘅貨幣嚟套取利率差距。

 

    其實係消除價差嘅重要力量,佢除咗為投資者提供咗對沖機會之外,仲有助於將扭曲嘅市場價格重新拉返至正常水平,令市場功能更有效發揮。套戥係買同賣同時進行嘅,所以風險有限。不過喺效率高嘅市場入面,套戥機會就好少啦。




關於商台 服務條款 免責聲明 私隱政策 廣告服務
聯絡我們 FAQ 版權 加入我們