高清881 高清903 am864 infomation
28.09.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
煤炭股 Coal Stocks
12.11.2012 16:11
 
燃煤發電係中國電力嘅主要來源,占全國發電比例高達八成。煤係世界上發展最快嘅能源資源,超過石油、天然氣、核能、水電同埋其他可再生能源。
 
煤炭同經濟息息相關,好多工業生產過程等等都需要用煤嚟發電。不過煤嘅市場價格係由供應同需求決定,今年5月尾至6月頭秦皇島港煤炭庫存曾突破800萬噸水平,煤企產能過剩,加上需求不旺,煤炭市場一片慘澹。雖然而家煤炭嘅庫存比年中少,不過秦皇島煤炭場庫存仍然喺600萬噸以上。
 
上星期五國家統計局公佈嘅內地10月發電量按年增長百分之6.4,較9月嘅1.5大幅度回升。而冬天家居用電量需求開始上升,用電量增加,煤炭庫存有機會減少。另外如果完善咗煤電聯動政策,價格並軌,亦有助縮小煤電矛盾,對煤炭股都會係一個利好因素。
 
大行對煤炭股就意見不一,交銀認為國內經濟形勢處於築底過程,焦煤價格嘅尋底過程並未終結,未來仍面臨需求減少而帶來的降價風險,維持行業同步評級。花旗就估計中煤能源末季煤炭銷售量將回升,價格將按季有改善。瑞銀就話神華喺發電業務同埋煤炭成本方面控制佳,評級上調買入,12個月目標價$36.99。



關於商台 服務條款 免責聲明 私隱政策 廣告服務
聯絡我們 FAQ 版權 加入我們