高清881 高清903 am864 infomation
04.12.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
上市企業的表裡表外–會德豐 (00020.HK)
23.07.2013 15:39
 
7月11日,太古集團以9350 萬元成功投得大嶼山長沙嶼南道的「蚊型」地皮。係同一日,會德豐地產亦以36.7億元投得將軍澳最後一幅臨海地68B2區,躍身成為將軍澳區最大地主。上市代號20號既會德豐有限公司發展既業務非常多元化,有地產、酒店、百貨零售、電訊等等。當中地產業務,就係佢地發展既策略重點喇。會德豐係土地儲備方面就要加把勁啦,雖然投得將軍澳地皮之後,土地儲備已經由12年初既220萬平方呎去到超過700萬平方呎,但對比五大地產商之一既新地有超過4,600萬平方呎,數字上既差距都幾明顯架。
 
1857年係上海創立既會德豐有限公司,依家以香港為總部,現任董事會主席為包玉剛二女婿吳光正,會德豐最為大家認識既兩個仔一定就係會德豐地產(香港) 以及九龍倉集團喇。今日先黎講講會德豐地產(香港)呢個仔。
 
首先係住宅方面,有全港最高的純住宅項目之一位於西九龍既擎天半島、同信和置業共同發展既九龍西又一村的屋苑又一居、上幾年因為部分業主養狗問題告到上法院既,位於荃灣西既屋苑韻濤居等。
 
工商大廈既業務就以商業寫字樓為主,好似有已獲准重建為一幢甲級商業大廈,正發展中,位於觀塘既九倉電訊廣場。而酒店業務就有三間,而三間酒店都係座落尖沙咀心臟地帶,分別係尖沙咀廣東道3號既馬哥孛羅香港酒店、廣東道13號既香港港威酒店同埋廣東道23號既香港太子酒店,三間酒店2012年的整體入住率達85%。而太子酒店及港威酒店的客房正進行翻新,將會係今年有全新面貌出現。
 
係今年下半年,會德豐會有兩個項目開始預售,第一個係位於柯士甸站同新世界發展各佔五成權益既住宅項目,第二個係位於觀塘海濱道既商業項目One Bay East,而早係4月份,宏利就斥資45億買左西座全幢,成為九龍區歷來最大宗全幢高廈成交。



關於商台 服務條款 免責聲明 私隱政策 廣告服務
聯絡我們 FAQ 版權 加入我們