高清881 高清903 am864 infomation
02.10.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
中信泰富(00267.HK)
03.09.2013 16:01
 

上集講到,267中信泰富有三大主要業務,佔左總資產的比例超過70%,除左中澳鐵礦開採項目同特鋼業務之外,第三個就係佔左總資產23%的房地產項目喇,集團係內地主要發展大中型的項目,主要係上海、長三角地區以及海南省,目前係內地有336萬平方米土地儲備。2013年上半年既經營溢利係3億6千萬,下跌58.9%。

中信泰富係香港都有經營業務架,首先分享既,係第13至15期位於大嶼山既愉景灣係中信泰富同其他發展商合作發展,仲有位於九龍嘉道理道加多利山呢個豪宅地段,預計於2015年就會落成提出超過70個2,000至3,000平方呎既單位架。

我地坐車去港島區,都有可能會用東隧或者西隧,其實呢兩條隧道中信泰富都有份擁有架,東隧集團擁有71%權益,而西隧就擁有35%權益。

中信泰富分拆上市之附屬公司有兩間,第一間係平日我地行街消費,都有可能經過既大昌行,上市代號1828既大昌行,集團持有55.7%權益。大昌行主要做既就有汽車及汽車相關業務、食品及消費品以及物流。食品方面有大昌食品市場以及大昌食品專門店,今年上半年集團營業額有近190億下跌19.9%。

第二間中信泰富分拆上市之附屬公司就係係1997年成立,上市代號1883既中信國際電訊集團有限公司,中信泰富擁有41.95%權益,呢個公司主要做三項服務,包括短信,移動增值服務同埋預付卡漫遊業務。今年上半年既營業額有近19億,上升7.9%。未來就會大力發展數據業務以及做好收購澳門電訊79%股份的各項工作。




關於商台 服務條款 免責聲明 私隱政策 廣告服務
聯絡我們 FAQ 版權 加入我們