高清881 高清903 am864 infomation
27.09.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
新世界發展(00017.HK)
29.10.2013 17:23
 

新世界發展係926號公布左截至6月底止全年業績,股東應佔溢利141億元,按年增長接近4成,當中係香港同內地既物業銷售總收入有242億,按年增長92。除左物業業務,其他既業務都有唔錯既表現,今日就會分享下集團係基建及服務同埋係百貨業務上有d咩喇。

 

首先講下新世界係基建及服務既業務,上市代號659既新創建集團有限公司, 集團擁有61.1%既股權,基建方面就涵蓋道路、能源、水務和港口及物流四個範疇,主要係係內地經營投資,呢家有63個項目進行緊,香港既有大老山隧道,有29.5%權益。而係服務業務方面就涵蓋設施管理、建築及交通和策略性投資。管理方面有會展的租用同海陸水岸既免稅店,交通方面就有我地可能日常會搭到既新世界第一巴士, 城巴同埋新世界第一渡輪喇,策略性投資方面我地較認識既海通國際證券集團有限公司。另外,黃竹坑港怡醫院,新創建都有4成股權架。

 

百貨業務亦都係集團既核心業務之一,上市代號825既新世界百貨中國有限公司,集團擁有72.3%既股權,主要係係內地做零售業務,定位係中高檔零售市場,總經營樓面面積有接近120萬平方米,目前係內地20個重點城市有42間百貨店,其中係上海就有最多分店,有10間。除左百貨同超市,2011年就開左網上購物平台叫新世界百貨網上商城。

 

新世界喺酒店業亦有發展,一共投資左15間酒店,分別位於香港、中國內地及東南亞。香港投資佔左5間酒店。而今年6月,新世界安排分拆酒店資產上市,希望集資8億至10億美元,但因市況而押後。但新世界未有放棄,於9月份再公布修訂相關資料。

 

除左四大核心業者,即係地產, 基建及服務, 百貨業務以及酒店之外,電訊業務亦都係我地所熟悉架,首先係新世界電訊有限公司,集團全資擁有,主要做固網同際長途電話服務,另外擁有Hong Kong CSL Limited 23.6%既股權,即係話,我地可能用緊既新世界傳動網、One2Free1010既服務都係由新世界提供架。

 

 




關於商台 服務條款 免責聲明 私隱政策 廣告服務
聯絡我們 FAQ 版權 加入我們