高清881 高清903 am864 infomation
30.09.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
互聯網金融
18.02.2014 13:08
 
最近市場開始湧現炒新經濟股份熱,即係科網股同一D新興既互聯網金融,因為阿里巴巴未係香港上市,暫時為首既就係騰迅。市場資金一直係呢D股份轉黎轉去,就算傳統股份估值過低都吸引唔到呢批資金。 當然,原因係由科網帶起既互聯網金融的確從銀行手上搶走唔少存款,甚至有國有銀行表示,前幾年既春季呢D時候,工農中建是但一間都要增五六百億存款,今年先得一半,反映大部分儲蓄存款去左餘額寶到。 而前幾日有消息話監管機構終於出手。有知情人士話,人行計劃同中證監、中銀監、中保監三大監管機構聯手監管互聯網金融。有市場人士分析,各個互聯網機構以不合理既高收益率競相吸客,如果唔監管,或者會引發金融體系大亂。不過人行重點監管既將會係P2P業務,因為各個互聯網公司推出既產品都係由基金公司營運,如果運作程式合規,監管部門都會好難插手。 當然互聯網金融吸走存款係事實,雖然能夠提供高息但風險又會有幾多?而政府要保障身為國家政策左右手既銀行之餘,又要控制開始膨脹中既互聯網金融泡沫,究竟可以點樣做?



關於商台 服務條款 免責聲明 私隱政策 廣告服務
聯絡我們 FAQ 版權 加入我們