高清881 高清903 am864 infomation
05.12.2016
  1. 節目區
  2. 新聲上載
  3. 聲音專欄
  4. 節目主持
  5. 節目表
  6. 網上直播
  7. 節目重溫
  8. Apps
航空股不只因人民幣貶值而受影響
21.07.2014 19:46
 
上星期馬航客機於烏克蘭墜毀後,中國民航局已要求國內航空公司所有飛越烏克蘭的航班繞飛,避開事發空域。屋漏偏逢連夜雨,4個月內出現兩次事故,已經令連續虧損的馬來西亞航空公司成為悲劇主角。根據馬航財報,2011年-2013年,馬航三年淨虧損達77.5億人民幣,而今年第一季度,馬航淨損失擴大左三分之二,達到約8.6億人民幣。 其實除左馬航之外,今年國內既航空業一樣唔好過,盈警一個接一個。先係南航發盈警,跟住國航,之後又到東航。3間航空公司發盈警都係因為人民幣大幅貶值而出現匯兌損失。舊年上半年,雖然經營形勢同樣唔理想,但人民幣升值令每間航企都獲得10億以上既匯兌收益,三大航空公司凈利潤總額21.84億。 人民幣升跌直接影響航空公司既收入,而人民幣國際化亦如火如荼進行中。人民幣國際化報告發布會尋日舉行,報告指出,人民幣國際化水平喺2013年大幅提升,並有望於2020年前成為僅次於美元同歐元既第三大國際貨幣。人民幣向世界出發絕對係一件好事,不過到時幣值升跌就比較難由中央控制。社科院副院長李揚亦都表示,國內市場冇管理人民幣既風險機制,只有坐等風險衝擊。對於航空股,呢樣又係一件好事定壞事呢?



關於商台 服務條款 免責聲明 私隱政策 廣告服務
聯絡我們 FAQ 版權 加入我們