高清881 高清903 am864 infomation
18.06.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps

Bookmark this

0  Bookmarked,3969 viewedp>

體育 | 體育新聞

球探咖哩略:互體大陣仗

19.11.2009 21:44

球探咖哩略介紹:年齡、身高、體重不詳,居無定所,筆鋒辛辣,略懂16國語言,你好/hello/ bonjour/ ciao/ hallo無難度,職責是八盡球場內外好醜新聞,走訪天涯海角收風最愛尋幽探秘,發掘又新又奇的天下事,務求與球迷分享樂與怒齊齊踎低噴飯,拒絕迷信以科學態度解釋流言緋語:

我呢種計稿費的自由工作者,唔係別人眼中咁悠哉遊哉,交稿死線經常趕到氣咳,幸好題材比較少限制,總比以往在報館的工作得心應手,起碼形式同字數唔使俾人箝死,當然沒有任何義務要為所屬機構賣廣告。

不過,有意留開呢個欄目的讀者都知,商台體育互動組就快有猛料出籠,日前筆者同仲幾個「新同事」見面,傾傾未來發展方向,遇上同道中人自然雀躍興奮,不妨在此同大家分享一下。

除了稍後會「執靚」個商台網頁版面之外,今個星期六就率先加入猛料猛人,全部來自五湖四海,位位講得寫得踢得仲打(波)得,唔係講笑。「互體」陸續會羅致新兵加盟,先來的就有3大名家,來頭唔少:

第一個叫「阿一」,行內人稱「一哥」,前拉斯維加斯賭場首席荷官,性格倔強,威嚴鎮壓全場,自創金句:「要做到我呢個位,就要沉得住氣,識得捉對手心理。」一哥賭場未逢敵手,轉行賭波界一樣隻手遮天,全憑天生賜予的「賭運」。人到中年,一哥心態轉趨冷靜,性格依然我行我素囂張橫行,現專捉莊家心理。據講,「一哥」最熟西甲、英超同二線波,無鬼盤可以逃得過其金精火眼。

3大名家率先上陣

另一個叫「黑帝」,佢握手時自我介紹時非常有趣,大概意思如下:美國有奧巴馬、F1車壇有咸姆頓,兩個都係黑皮膚,同樣都締造了歷史,也成為了「勝利」的代名詞。表面上雖然有的神經質,但同佢傾開就知範範得,相信到時候除了足球之外,偶爾都會同讀者分享一下網球、NBA、高球、桌球之類的心得,唔使日日都係睇足球新聞咁悶。

最後一個叫「WAT」,沉默寡言,有啲似扮酷又或者係慢熱之人,只知道之前同樣是報館任職,極熟識歐洲足球內幕,尤其是意甲、荷甲同德甲,無論賠率和戰術分析皆可,相信3人能夠為「互體」帶來更多新元素。

消息話,「互體」在內容上仲會加入更多互動欄目、專題報道、球星專訪、大勢分析、軍情速送、八卦消息以及球星另一伴資訊等,總之百羅萬有,讀者擦乾淨眼睛等睇猛料啦!

 

11月21日起,商台互動體育組將有大革新,新欄目、新班底、新名家將為球迷帶來更多猛料,敬請留意


 Tag   足球   運動  
日期
由:
到:
類別:
關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們