高清881 高清903 am864 infomation
16.06.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
粗口咪亂講 
30.03.2009        
     

香港嘅議事堂,認真係唇槍舌劍喇,不過辯論嘅議題唔係民主政制喎,而竟然係乜嘢係粗口。繼唐英年話無酒店住嘅旅客「條條fing」,或者曾蔭權話議員唔知「狗up」定係「鬥up」之後,社民連三子嘅黃毓民、陳偉業同埋長毛,公然喺立法會嘅議事廳裏面,講一啲疑似粗口嘅說話。

先此聲明,我哋無意喺度辯論長毛講嗰幾個字係咪粗口。不過,就算頭先「do」嗰幾個字唔係粗口喇,都真係粗俗啲嘅說話嚟嘅,唔應該出現喺電台嘅。

歷史上第一宗經法庭判定嘅粗口案件,就真係控告電台節目嗰喎。喺1972年,美國紐約嘅電台,製作咗一個叫「七個脏話」嘅廣播劇,以講屎、講尿、講屁、同埋性器官呢啲粗口作為賣點。節目出街之後,電台收到唔少家長投訴,話佢哋嘅仔女聽到之後好不安,結果美國聯邦通訊委員會將電台告上法庭,經美國最高法院審理之後,將呢七大脏話禁止喺公眾嘅媒體出現。

大多數國家對粗口嘅定義,都好似美國針對性器官同埋排泄物呢一類嘅說話。不過英國嘅廣播委員會喺2002年做過大型調查,將屎、尿、屁剔出粗口嘅行列,而加入一啲好似黑鬼呢一類帶種族歧視嘅說話。

咁香港又係點嘅呢?著有《香港粗口文化研究》一書嘅文化人彭志銘就話,香港粗口其實得五個字嘅啫。

呢個講法雖然得到唔少人接受,不過唔少說話都會令人不安嗰喎。事實上,市民喺公眾地方粗言穢語,就算唔係講呢五個字,都有可能觸犯法例咖。好似話依照《地鐵附例》,喺地鐵範圍裏面講粗言穢語,就有可能被罰款二千蚊、同埋入獄半年喇;而喺公眾地方,香港法例雖然無列明話市民係唔可以當街當巷講粗口,不過警察仍然可以引用《公安條例》,以擾亂安寧、破壞秩序嘅罪名去到進行拘捕行動嘅;而《廣播條例》亦都寫明電台同埋電視台嘅節目,係唔可以有不恰當嘅說話嘅,例如係黑社會術語同埋粗口喇。不過,呢啲法例都係無寫明乜嘢係粗口,乜嘢唔係粗口嘅。

中文大學嘅中文系高級導師歐陽偉豪就話,語言上乜嘢係粗口,就要視乎社會嘅接受程度喇。而且語言文字嘅義意每日都喺度變梗嘅,好似宜家我哋好流行嘅「冏」字咁吖,喺一年半載之前,又邊有人識得啫。

文化人彭志銘亦都同意呢個講法嘅,而佢更加話香港人宜家接受粗口嘅程度可以講係越黎越低喇。

由幾年前,有市民投訴電影《秋天的童話》裏面有粗口,到宜家唐英年指摘立法會員議員爆粗,社會對粗俗說話嘅容忍程度或者真係越嚟越低。不過,中文大學嘅歐陽偉豪博士強調,講說話係咪粗口並唔緊要,最緊要係咪喺適當嘅時候講適當嘅嘢啫。

中國嘅語言發展咗幾千年喇,嗰啲嘅用字點都足夠我哋平時表達情緒,唔一定需要用粗言穢語嚟到加強語氣嘅,而且,既然呢啲說話係會令到其他人唔開心咯,咁講少啲又有咩所謂呢?

(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
梁國雄批評劉慧卿對粗口裁…
30.03.2009
張建宗冀議會不再出現語言…
29.03.2009
曾鈺成梁振英指粗口事件費…
29.03.2009
梁振英指議員粗口事件影響…
29.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們