明天便是我們商業電台50周年，然而不需等至明天，今天便已經開「party」了，這個大「party」將會成為金禧回憶的一部分。50年，這麼長的一段日子，當然是有很多回憶了。 「商台50周年！」 「50…50…50年不變。」 「今日我哋影響嘅民生50年。」 「我係韋基舜，商台都啟播咗有成50周年咖喇，即係半個世紀。而家年紀我都唔細咖喇，初開台我就同鄺天培好老友嘅，因為佢嗰陣時係做經理咖嘛，揸大旗。最記得佢就係成日要考人啲讀音，睇佢播音嘅人唔好有懶音，又唔好『黐脷根』，佢考襯人一定要佢讀咖，唔讀得佢啲對對就唔請嘅。『嶺頂鷹鳴，酩酊兵丁停亭聽。山間雁返，懶散番蠻挽撣彈。』即是話佢山頂上高有隻鸚鵡喺度叫，飲醉酒嘅兵丁就停喺度聽，嗰個山之間隻雁飛番返嚟喇，咁有個番邦嘅人拿啲彈子去彈佢。每個入嚟做播音嘅要讀過，讀得到先過關，我？我梗讀到喇，哈哈……」 「我係公民黨立法會議員湯家驊，講起商台最早嘅回憶呢，就應該係要數到即係聽流行曲喇。咁我係讀梗初中嘅時候，就開始喜歡聽收音機喇，嗰陣時無電視喇，亦都無即係細隻嘅收音機喇，就只有嗰啲好大好大隻嗰啲喇。咁好大好大隻擺咗喺屋企，就大家要輪流嚟聽嘅，最吸引我嘅就係有啲新歌可以聽，每個禮拜有啲最流行嘅點唱節目。」 「譬如好似《Tell Laura I love her》《Oh! Carol》，即係嗰個年代喇。」 「咁唯一覺得唔係咁能夠接受，就係有時聽得興起，突然間就整啲廣告入嚟，真係好似有少少唔係咁順暢。」 「本校創校快將50年，未夠50年，但係差不多50年喇。」 「恭祝商台50周年。」 「百尺竿頭，更進一步！」 「嚟梗另外嗰50周年係更加做得好喇。」 「年年有今日，歲歲有今朝！」 「生日快樂！」 (本聲音專欄只反映主持人及個別參與人士的個人意見。)