高清881 高清903 am864 infomation
16.07.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
外傭被打不是勞工處的「職權」?! 
21.01.2014        
     

勞工處與警方一行6人,繼續在印尼向懷疑受虐的女傭Eriwana查問被打的詳情。昨晚《左右大局》訪問勞工處處長卓永興,雖然總算有得著,知道政府正研究,把定期面見外傭,列作中介公司發牌條件。可是,當我們追問,為甚麼政府這麼遲才有人員飛到印尼找 Eriwana了解真相?是否國際有輿論,政府才「做嘢」?處長如此回覆:(卓=卓永興,黃=黃潔慧)

「卓:我諗而家去糾纏話,呀,究竟點解你唔係上個禮拜一睇到報紙,你就去呀?(點解)禮拜二唔去呀咁,其實就即係…有少少意義就唔係好大。

黃:個意義好大架,處長!」

說到這裡,我開始「上火」:勞工處是勞工保障把關人,現在有打工仔被懷疑虐打,盡早了解詳情,難道不是政府應盡的責任嗎?再聽處長繼續解釋,我更是火上加火。為甚麼?大家看下去:

「卓:如果我冇記錯,呢個事件初初披露出嚟,主要係毆打方面嘅情節,譬如欠薪嗰度,差唔多過咗一兩日,先至亦都有啲報道話…

我:但毆打唔係勞工處應該關心嘅嘢咩?即係欠薪先至關你哋事嘅?毆打你都係搵警方啦。

卓:毆打會係警方跟進。

我:咁毆打係咪一個勞資問題?係唔係一個外傭唔應該忍受的一個情況呢?係咪勞工政策應該保護的一部分呢,處長?

卓:Er…呢個毆打呢,當然喺香港係唔合法,而係有有關的法例,我諗呢個唔係喺勞工的法例。唔喺勞工法例唔等於我哋唔關注…

我:但你頭先嘅講法,幾乎係等於,由於唔喺勞工法例,但係…所以我哋就可以慢半拍咁嘅意思喎幾乎係?

卓:冇冇冇,我絕對冇話過我哋慢半拍,我諗其實頭先你有少少概念好似有啲混淆咗。就算我哋今次過去呢,亦都問番一啲違反勞工法例嘅情況,如果我(上)禮拜一二飛過去,走去問一啲毆打嗰方面,咁就似乎超越咗我哋嘅職權。」

職權?!身為特區勞工保障把關人,難道處長就沒有「職責」代表政府,為理應受你政策保護、卻結果慘受暴力蹂躪的外傭,表達最基本的關心和了解嗎?!若說勞工處的「職權」,並不優先包括勞工的人身安全,那麼,處長究竟有根本的勞工權益觀念沒有?

處長,我並沒有概念混淆,我只是不能接受,勞工處的角色和重任,原來只包括「有冇糧出」,卻非人身安全!果真如此,勞工處索性變成小額錢債審裁處算吧,反正只是負責追討欠薪!

香港不是最怕有幾多變態僱主,而是有幾多因循苟且的官員和執法人員。


(本聲音專欄只反映主持人及個別參與人士的個人意見。)

 

 
 
黃潔慧:放下情緒、總結經…
08.09.2014
黃潔慧:我心中升起一股悲…
01.09.2014
黃潔慧:點解係進步
29.08.2014
黃潔慧:冧樹殺人不能算意…
26.08.2014
黃潔慧:這種盡力救狗法
25.08.2014
黃潔慧:撞死狗事件
22.08.2014
左右大局‧黃潔慧
已經有0位網友作出回應

 
姓名: 黃潔慧
真名/別名: 潔慧、MZ WONG
生日: 與曾鈺成和王力宏同一日
星座: 金牛三
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們