高清881 高清903 am864 infomation
26.06.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
靚仔首相領導泰國走出新局面 
16.12.2008        
     

泰國國會選出後生又靚仔的反對派領袖阿披實做新任首相,正式結束他信8年來對泰國的操縱。呢位貴族首相喺英國出世,曾經喺英國的貴族中學──伊頓公學讀書,之後更加喺牛津大學以一級榮譽畢業,不過傳出阿披實當選的消息之後,接近200個親他信的民眾就開始衝擊國會,呢位反對派領袖似乎唔可以單憑佢俊朗的外表贏得民心。

喺兩星期前,泰國的憲法法院裁定,前總理頌猜同埋佢的人民力量黨喺舊年大選舞弊,個黨要被迫解散之餘,頌猜亦都要下台。到昨日國會選出只有44歲的民主黨黨魁阿披實做新任首相。

阿披實喺英國出世,父母都係醫學教授,入讀嘅都係英國嘅貴族學校,包括伊頓公學同牛津大學。其中,伊頓公學係英國皇室、歐洲皇室及尼泊爾皇室子弟入讀嘅學校,每年學費要成37萬港元, 三分一的畢業生可以升讀劍橋或者牛津大學。而呢間學校嘅著名校友有愛德華王子、威廉王子同埋哈里王子等等。

其實今次為泰國打破他信政治悶局的人物,並非呢位靚仔首相阿披實,關鍵係原本親他信的泰國政治教父──尼溫,他拉隊變節。

尼溫曾經效忠他信8年,一直係民主黨的死敵,但係喺今次國會選舉入面竟然倒戈相向,拉攏三十幾個國會議員支持民主黨黨魁阿披實。香港國際關係研究學會總研究主任鍾樂偉指出,今次尼溫倒戈支持阿披實,其實當中可能涉及好多利益交易。

阿披實出名清廉,加上佢牛津大學經濟學碩士的履歷,所以鍾樂偉指出阿披實的貴族背景,可以討好曼谷入面嘅中產同埋商界人士。然而,也不少研究泰國的學者相信,比較貧困的泰國北部群眾就不大支持這位反對派領袖了。

阿披實曾經喺牛津大學修讀經濟, 所以佢一當選就強調要增加政府的投資,重振旅遊業。鍾樂偉亦表示,刺激泰國疲弱的經濟正正係呢位新任首相的首要任務。

著住紅色衫, 打住親他信的旗號的民眾就話阿披實係軍方的傀儡。 而早前佔據機場的反對派黃衫軍就全力支持呢位喺靚仔首相, 兩方面的勢力一直爭持不下。 再加上明年1月國會選舉結果, 亦隨時令阿披實的首相地位不穩,睇來今次新首相當選之後仍然潛伏住政局不穩的危機。

(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們