高清881 高清903 am864 infomation
17.06.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
侮辱國家元首好大罪? 
18.12.2008        
     

美國總統布殊出訪伊拉克嘅時候,遭到一名伊克拉記者用佢對十號鞋掟佢。而呢一段音樂,就係一位美國網友,以呢次事件,所製作嘅Rap歌。

呢單事件,令唔少人嘅創作能力澎湃起黎。除左網上不斷有以呢單事件為題材嘅短片同mv,有網站更即時設計遊戲,其中一個遊戲,就係講有人用鞋掟布殊,而遊戲者就用槍射定啲鞋。

至於我地中國外交發言人劉建超,面對記者問佢點樣對付人地掟鞋,佢就好有創意咁答:「我會留意住邊個喺度解鞋帶架啦。」

至於掟鞋嘅記者扎伊迪就唔係咁開心咯。佢雖然成為左唔少人心目中嘅英雄,不過佢即時被保安人員打到手骨同肋骨斷左。扎伊迪更會被控告「侮辱本國總統和外國元首罪」,最高刑罰監禁兩年。

至於喺香港,如果我地向美國總統掟鞋、向國家主席胡錦濤掟臭襪,又或者向曾特首掟蕉,會唔會被告「侮辱本國總統和外國元首罪」?律師鄧達明就表示沒有這條罪,只是會被控襲擊罪,入罪與否則與受襲人身分無關。

香港雖然無呢一條「侮辱本國總統和外國元首罪」,但係遇到啲公眾人物,都一樣會受到法例保護。咁公眾人士嘅定義又係點呢?

喺伊拉克嘅記者咁易可以埋到總統身邊掟鞋,咁香港啲高官開記者會嘅時候,警方又點保護佢地呢?警察公共關係發言人話,佢地嘅行動要保密喎。咁各位高官政要,睇黎你地記者會嘅時候,真係要小心啲喎。
 
(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們