高清881 高清903 am864 infomation
20.01.2020
  1. 聲音專欄
  2. 節目主持
  3. 節目表
  4. 排行榜
  5. 馬路的事
  6. 九〇三格
  7. Apps
體育 | 體育新聞

球壇包公:班拿約天生與別不同?

24.11.2009 18:00

【商台互動體育組】球壇包公:人善人欺天不欺,世間還有包青天,我球壇包公會負起替天行道的責任,為球壇的重要大事以至雞毛小事主持公道,不偏不倚,上至國際足協,下至球場草皮都難逃法眼,球迷放心:

班拿約
近期全城最hit嘅球壇醫生,必屬塞爾維亞女名醫瑪莉蓮娜,佢先後幫過尹佩斯、林柏特等英超球星進行過「胎盤療法」,以馬匹嘅胎盤液體做治療,聽講傷勢會快一倍好番。

我球壇包公唔知利物浦嘅以色列中場班拿約,係生得特別靚仔吖,抑或係佢生得太瘦,話說佢同幾位紅軍隊友尼亞拿、格連莊臣同奧利里奧齊齊飛去塞爾維亞接受「胎盤療法」,點知人人都係用馬匹嘅胎盤液體,偏偏得佢一個以人類嘅胎盤液體去做治療,唔通班拿約嘅身體構造與別不同?

班拿約就話:「我知吖!嗰啲係一位女人嘅胎盤液體嘛!」阿班大哥,話明胎盤液體就梗係女性啦,係咪要我球壇包公鬧爆你呀!不過班拿約話一啲都唔介意:「瑪莉蓮娜一開始同我講清楚晒喇,又唔使打針又唔係嚟自動物吖嘛!講真,傷勢有好轉咪得囉!」好一個班拿約,佢嘅求知慾原來低得咁緊要,俾着係我包公做啲咁新穎嘅治療,幾大都問清楚點解同人哋唔同嘛!

伊度奧唔係彭莉娜古絲
周二歐聯作客魯營,伊度奧首次率領國際米蘭重遊故地,面對前東家巴塞隆拿,此子講明雙方無仇無怨,亦會像往日面對馬略卡時一樣,即使入波亦唔會慶祝:「我唔會喺魯營慶祝入波,之前我攻入馬略卡大門都沒有慶祝,情況就是如此。」

伊度奧性格孤癖古怪,雖被外界視為麻醉友,但重情重義兼且善心爆棚,絕非球壇「反骨仔」,之前效力巴塞5季曾轟入了驚人的130球,令人後來者汗顏。

識英雄重英雄,巴塞教練哥迪奧拿亦講,兩人心中冇任何芥蒂,更講笑話伊度奧對彭莉娜古絲(西班牙性感女神)有意:「佢梗係對我冇感覺,我又唔係女友,更加唔係彭莉娜古絲!」

卡斯辛奴唔再做粗口手勢
效力森多利亞嘅意大利前鋒卡斯辛奴一向有壞孩子稱號,脾氣暴躁固然係佢特點,F字粗口及豎起中指嘅畫面確實司空見慣。上周卡斯辛奴就喺對基爾禾場波,整斷咗左手嘅食指,好彩傷勢唔係話太嚴重,仲趕得切周六對熱拿亞場打吡戰上陣。好彩卡斯辛奴傷嘅係食指而唔係中指,否則嗰隻紮到豬蹄咁踵嘅手指,又以為佢喺度「問候」對手。

 

 

 

 

「體盡世界」吹水blog已經推出,留言論盡今天體壇新聞、趣聞!
http://sport.blog.my903.com


日期
由:
到:
類別:
關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們