高清881 高清903 am864 infomation
05.04.2020
  1. 聲音專欄
  2. 節目主持
  3. 節目表
  4. 排行榜
  5. 馬路的事
  6. 九〇三格
  7. Apps
體育 | 體育新聞

球壇包公:曼聯球迷全英最惡頂

24.12.2009 17:45

【商台互動體育組】球壇包公:人善人欺天不欺,世間還有包青天,我球壇包公會負起替天行道的責任,為球壇的重要大事以至雞毛小事主持公道,不偏不倚,上至國際足協,下至球場草皮都難逃法眼,球迷放心:

曼聯球迷經常俾警察拉
英國嘅球迷出晒名惡死,去到外國睇波硬係唔受歡迎,仲要成日搞事搞騷亂。根據國內內政部嘅調查所得,上季英超聯球隊中,最多被警察拘捕為曼聯球迷,而最「斯文」的支持者係屬於倫敦嘅富咸。

曼聯連續3年奪得英超聯,奧脫福球迷嘅吶喊聲可能係封王其一原因;不過據調查顯示,上季英國國內共有3,752位球迷因搞事俾警察拉咗,而20支英超聯隊伍中,曼聯有185位粉絲被捕,係全英最惡頂嘅球迷!北部紐卡素嘅球迷就同樣出名惡死,上季有144人被補列為全英次熱。富咸球迷就可算最乖仔兼最斯文,全季只係錄得13人被捕;假如波友親身去到小屋球場睇波,應該都係最安全之旅。

講到暴力球迷,不得不提列斯聯嘅擁躉,上季警方總共頒發咗956張、唔畀球迷入場睇波嘅禁制令,當中有162張係賜給列斯聯嘅,比率佔近兩成!

阿積士荷盃14:1破紀錄
琴晚荷盃16強戰果認真得人驚,阿積士以14:1擊敗咗丙組仔WHC,淨係射手蘇亞雷斯個人都包辦6球,唔怪得傳過巴塞等大會都想簽佢啦。呢個14:1咁懸殊嘅比數,創咗阿積士球會史上單場最勁嘅淨勝紀錄,打破1961年10:0擊敗Rapiditas Weesp嘅舊有紀錄,但就破唔到NAC喺1950年荷盃創出嘅18:1驚人成績。賽後阿積士教頭祖爾話:「非常滿意!我哋實力係就係勁過對手,但呢個比數點估呀!」WHC雖然係丙組仔,但班球迷認真唔話得,話說賽前呢個人造草球場成地雪,結果有成50位WHC擁躉自願落場清雪,抵讚啦!

保贊鯊魚館送聖誕祝福
大膽!巴塞隆拿小將保贊認真大膽!呢位19歲小將,最近被巴塞隆拿水族館選為公益慈善大使,佢要着晒蛙人裝束,潛入水箱同十幾條大鯊魚嬉戲;保贊仲搞笑到頭頂戴住聖誕帽,喺水中同大家講「聖誕快樂」!呢次保贊嘅慈善活動,主要係宣揚海洋受污染嘅問題,保贊喺水中央同好幾條巨大鯊魚合照,其餘仲有成80幾種海洋生物,呢位小將19歲年紀輕輕,估唔到咁大膽。呢排英超嗰邊好多球員開聖誕派對,都搞到好鬼大鑊又唔健康;今次保贊做公益大使,點都好過去蒲夜總會同爛飲吖!


 Tag   巴塞隆拿   保贊   阿積士   荷盃   蘇亞雷斯   曼聯   紐卡素   列斯聯  
日期
由:
到:
類別:
關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們