高清881 高清903 am864 infomation
16.09.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
娛樂 | 新聞

月巴火乍:台灣女星嫁得特別好

27.11.2010 09:54

月巴火乍 – 80後蜘珠仔(成日黐住個網),周圍「食花生」,晚晚「等睇戲」。試過24小時內煲一季《24》(可惜失敗);又追睇過無數XX Got Talent、星光超偶、超級大道、快男超女,睇盡各地騎尼選手。最愛瘦過我n個碼的阿Jack,包括《24》、《魔盜王》、《怪誕城》同埋《怪醫秦博士》。

唔夠一個月之前,網上突然出現了大S要嫁人的消息,正當大家以又係一單花邊新聞時,主人翁竟然公開承認婚訊。2010年對台灣演藝界來說所是喜事連連,一班女星好似約埋咁齊齊出嫁,仲一個嫁得比一個好,比起其他將戀情收收埋埋的藝人,這班女星的勇氣的確值得大家佩服和恭喜。

自從香港的天王天后婚事被逼曝光後,粉絲對偶像結婚已經由「要生要死」變成「恭喜賀喜」,但很多藝人依然放唔低偶像包袱,甚至瞞婚直至婚都離埋才曝光。但睇睇台灣一班女星,去年年尾由梁靜茹嫁軒尼詩公司經理(傳聞)趙元同開始,到候佩岑與身家以億計的證券銷售副總黃伯俊訂婚,9月孟廣美下嫁投資公司董事長吉增和,甚至到大S嫁內地飲食鉅子汪小菲,個個都嫁富商,個個都入豪門,點解突然個個都嫁得咁好?

先講「背景」,梁靜茹、候佩岑等的緋聞其實都算乾淨,二人都先後與台灣男歌手公開拍拖(分別是瑪莎和周杰倫),但印象都是專一而且無咩醜聞,對於一眾「豪門」來說就很容易接受;再講「手段」,唔係話用咩方法搶男人、爭老公,而是氹人的方法。近日小S就大爆大S與未來奶奶張蘭之間的趣事,原來大S得到張蘭的歡心,全因她「識做」,又送手袋、陪睇電視,而且承諾會為汪家繼後香燈,咁識做奶奶又點會拒絕,唔怪得可以見幾次面就閃婚。

先前有台灣媒體總結過,嫁到內地的台灣女星都受過高等教育,甚至「浸過鹹水」,而且年過30,生活獨立。計我話如果這些條件可以嫁入豪門,香港有幾多豪門都唔夠娶。

可能見身邊好姐妹個個都有著落,一班台灣的「敗犬」都不甘示弱,先有范瑋琪與黑人陳建洲宣布快將結婚,重量級美女鍾欣凌嫁給男演員陳清河,仲有張承中不離不棄的Selina,楊謹華又傳出與年輕5年的懷秋明年拉埋天窗,蔡依林高調與男模錦榮晒恩愛等等。雖然她們都不是嫁入豪門,但絕對是她們心目中的「好門」。

唔好以為台灣女星嫁入豪門就有著數,近年都有唔少失敗例子,例如爭女爭到去加拿大的賈靜雯、「避走」台灣的伊能靜(哈林都算是豪門啩?)、馬雅舒離開吳奇隆嫁老外等。所以話唔係嫁入豪門就係好事,最緊要安份守己,人前人後都恩恩愛愛(你睇吓李嘉欣幾Sweet!),而且得閒爆下趣事(當然最好係閨房趣事!),才會得到粉絲的支持,得到大家的祝福。


 Tag   月巴火乍   豪門   結婚   大S   徐熙媛   汪小菲   梁靜茹   候佩岑   范瑋琪   鍾欣凌   楊謹華   蔡依林   賈靜雯   伊能靜   馬雅舒  
日期
由:
到:
類別:
關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們