高清881 高清903 am864 infomation
16.11.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
娛樂 | 新聞

月巴火乍:做一個成功的外星人

27.08.2011 10:17

月巴火乍 – 80後蜘珠仔(成日黐住個網),周圍「食花生」,晚晚「等睇戲」。驚死蝕底咩都睇,最愛無數XX Got Talent、星光超偶、超級大道、快男超女,笑盡各地騎尼選手。
***

外星人侵略地球的電影一向都是荷里活的熱門題材,各大電影公司都不遺餘力去「研發」受歡迎的外星人,不過在荷里活電影上,近年的外星人已經離不開「異形」的影子。

近日,身為外星人電影迷的筆者欣賞了《天煞西部反擊戰》,本身滿是期待的我最後都只是覺得「乜又係咁」,可能因為近年的外星人電影已經開始公式化,大家都跟著前人成功的過線來拍。

外星人係荷里活電影人心目中究竟係咩樣?大概都離不開光滑的皮膚、纖瘦的身形、拗黑的膚色,仲有就係多數都唔只得四隻手腳,根本就個個都係抄「異形」!但通常以「異形」形態來到地球的外星人最後都係鎩羽而歸,甚至換來一個種族滅絕。最重要係,你睇完之後會話一句:「乜隻外星人又係咁嘅樣。」

究竟咩類形的外星人才會吸引到大家目光?近年最成功的外星人系列應該就係《變形金剛》。無錯,大家唔好忘記一大班機械人其實都係來自外星(留意,狂派機械人都符合上文提及的特徵),當然受歡迎的還有超人、鹹蛋超人、Keroro軍曹、長江七號和史迪仔等等。

早前外國雜誌就向外星人提供了幾項能夠在地球生存的法則,其中提過如果不想以武力征服地球的話,可以先向小朋友埋手,取得他們的信任,在電影中這些小朋友會在最後關頭救番你。

雖然該文章有其他的生存法則,但我認為最重要的一項,就是「請直接征服地球」。大部分外星人侵略地球的電影,外星人最終失敗的原因都是因為他們做了一些多餘的事,例如研究人類、和地球人做朋友、專注於奪取資源等,其實只要一來到地球就出手殺盡所有人類,他們一定可以征服地球。


日期
由:
到:
類別:
關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們