高清881 高清903 am864 infomation
08.12.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
娛樂 | 新聞

月巴火乍:白雪VS白雪

19.11.2011 11:03

月巴火乍 – 80後蜘珠仔(成日黐住個網),周圍「食花生」,晚晚「等睇戲」。驚死蝕底咩都睇,最愛無數XX Got Talent、星光超偶、超級大道、快男超女,笑盡各地騎尼選手。

* * *

大家對童話故事改編的電影有咩感覺呢?近日兩部以「白雪公主」為主題的改編電影先後發放了預告片,一套係暗黑版的《Snow White and the Huntsman》(簡稱《Snow》),另一套係搞笑版的《Mirror Mirror》(簡稱《Mirror》),雖然題材「撞車」,但內容卻差天共地。

先講《Snow》,一睇佢個感覺就好似早前上映的《血紅帽》(Red Riding Hood),感覺同樣陰陰沉沉,目標應該是吸引成年觀眾。或者有人會喜歡將話故事改成「成人版」的殺戮世界,但票房成績就反映了觀眾的口味。改編自「小紅帽」的《血紅帽》,美國票房共收3,765萬美元,但製作成本就耗資了4,200萬美元,可謂蝕大本。幸好《Snow》的女主角是吸血女姬絲頓史釗域(Kristen Stewart),號召力應該會比《血紅帽》大得多。

雖然都係講皇后點樣逼害公主,但另外一部《Mirror》就簡單得多。在預告片中見到,主線應落在皇后朱莉亞羅拔絲(Julia Roberts)身上,而且有歌舞,有笑位,色彩又豐富,明顯主打小朋友的市場。又睇睇曾以小朋友為市場的改編電影《朱古力獎門人》(Charlie and The Chocolate Factory),成本1.5億美元的《獎門人》在全球收到4.7億美元的票房。

當然,《獎門人》有添布頓和尊尼特普這個黃金組合,票房就有一定保證,但電影的目標觀察放在小朋友身上,這條路線明顯是成功的。

《Snow》和《Mirror》兩部電影將分別於2012年的5月尾和3月中上映,優勝劣敗就要等上映後的成績才能定奪了。

※有無遇過聽到名已經唔想嘅戲?有無試過畀張海報呃咗入場睇爛片?有無睇過名不經傳的好戲唔知同邊個分享?《一團戲》等你入團分享好嘢、鬧爆爛片!※


日期
由:
到:
類別:
關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們