暑假嚟到，留喺屋企嘅時間更加多，諗緊有咩在家消閒活動？7月19日起，星期日下午12:30至6:00聽住雷霆881，好多內容豐富、不同種類精彩節目，陪你在家渡過假日下午！

📻「當焗者迷」，新鮮糕點在家出爐！ (中午12:30 - 1:00)
在家煮食嘅機會多咗，個個煮嘢食大顯身手！想試吓焗個靚靚蛋糕，但唔知點入手？唔同類別嘅麵粉，幾時用邊一種？最基本要有咩工具？
打開焗爐，無需懊惱！🥐🧁🍪焗麵包、烘曲奇、整甜品種種疑問，由熊書頤、BoBo每周半小時為你解決烘焙難題，陪你「甜絲絲」放暑假！(🎧收聽節目重溫)

📻「宅界經濟」，在家保就業、撐經濟！ (下午1:00 - 2:00)
疫情蔓延，為保社區眾人健康，大家都不得不選「宅」！
當個個都無得出街，留喺屋企，互聯網成為連繫外界嘅重要渠道，全球嘅人生活習慣、消費模式亦因此改變……📱💻💲究竟足不出戶點樣影響經濟？等阮子健、張葦多方面拆解疫情下嘅「在家經濟」！(🎧收聽節目重溫)

📻「山間花開時」，欣賞大自然之美 (下午 2:00 – 3:00)
香港嘅街道，車來車往沙塵四起，一呼一吸都有害！
👃想喺香港呼吸新鮮空氣，就要走上山⛰🚶‍♀🚶‍♂！前天文台長林超英，與梁淑意、動植物記錄《尋花》《尋牠》作者葉曉文一同走到郊外「尋花」，每周推介一條行山路線，沿途邊走動邊賞花，身體力行發掘香港優美景色，身心更舒暢！(🎧收聽節目重溫)

📻「天欣喜歡你」，「樂」在一起 (下午 3:00 - 4:00)
假日咩都唔想做，只想輕鬆渡過？😉天欣隔空陪住你～
享受天欣細心揀選嘅流行曲、加插歌手聲演嘅天欣「偶像劇」，令你放鬆一個鐘；
🎵🎶用音樂喜歡你，用歌曲留住你，令你在家不在家，都心思思掛住你！(🎧收聽節目重溫)

📻「點蟲蟲」，蛇蟲鼠蟻現身都唔驚！(下午 4:00 - 5:00)
🐛🐁蟲蟲特攻隊屋企出沒注意～～會俾佢哋嚇親，因為你「蟲」未了解！
「善男信女」馮志豐、郭芷希話你聽，見到蟲蟲唔使驚～趕盡殺絕之前，停一停睇清蛇蟲鼠蟻真身，認識各類常見蛇蟲鼠蟻嘅基本知識，了解佢哋嘅習性，知多啲令你驚少啲，「蟲」此不再怕🆗！(🎧收聽節目重溫)

📻「家家有求」，整齊嘅家你值得擁有！ (下午 5:00 - 6:00)
學做家務萬事通，整理家居好輕鬆🏠✨！
🧹面對家中大小事務，雜物堆積亂放，想處理卻無從入手？陳聰、王詠瑤助你保持屋企乾淨整潔！佢哋將會邀請唔同「全能屋企人」專家，每個星期用一個鐘，教你點樣做好家務、「執靚間屋」嘅竅門，留喺窩居都一家窩心！(🎧收聽節目重溫)

7月19日起，逢星期日下午雷霆881暑期節目時間表：

🕧中午12:30-1:00	「當焗者迷」熊書頤、BoBo 主持
🕐下午 1:00-2:00	「宅界經濟」阮子健、張葦主持
🕑下午 2:00-3:00	「山間花開時」梁淑意、林超英、葉曉文主持
🕒下午 3:00-4:00	「天欣喜歡你」天欣主持
🕓下午 4:00-5:00	「點蟲蟲」馮志豐、郭芷希主持
🕔下午 5:00-6:00	「家家有求」陳聰、王詠瑤主持