商業電台馬路的事十九週年晚會(2019)
高清881 高清903 am864 infomation
19.08.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 

商業電台馬路的事十九週年晚會(2019)

商業電台馬路的事十九週年晚會喺2019年1月29日,於紅磡景逸軒圓滿舉行!多謝各大的士及商用車司機團體、各政府部門、社會各界人士十九年嚟嘅鼎力支持。再次感謝當日出席嘅業界朋友,同埋我哋「馬路的事義工隊」嘅義工朋友蒞臨。

踏入2019年,「商業電台 馬路的事」同業界共渡咗十九個年頭。今年晚會以「一脈相承,歷久常新」作為口號,象徵馬路的事肩負傳承馬路上「守望相助」精神嘅重任,同時展望未來繼續同各界友伴互勵互勉,守護馬路上面每一位!

馬騮搣同細 Lee 換上一身晚禮服,為大家主持週年晚會。

 

各位貴賓陸續開始入場,大家聚首一堂,一齊慶祝馬路的事週年紀念。

 

商業電台總經理陳靜嫻女士(Rita)首先為晚會致歡迎辭,為十九週年晚會拉開 序幕。

接下來,運輸署署長陳美寶太平紳士、道路安全議員主席兼香港警務處副署長 (行動)鄧炳強先生、立法會(航運交通界)易志明議員、馬路的事緊急相助基金監察 委員劉健儀太平紳士亦都為週年晚會致賀辭。

然後,立法會(航運交通界)易志明議員、馬路的事緊急相助基金監察委員劉健儀太 平紳士、馬路的事緊急相助基金監察委員兼的士服務質素委員會副主席李家慧女 士頒發感謝狀予參與「馬路的事 守望相助」計劃嘅的士團體,答謝大家多年來嘅支持。

由商業電台總經理 Rita 帶領一眾主禮嘉賓,向各位來賓、的士及商用車團體代表 祝酒,感謝各位十九年嘅支持,繼續同馬路的事團結一心,邁向新一年!

左起:商業電台公關部總監杜韻怡女士、 商業電台馬路的事企劃總監鄭瑞龍先生(Samuel)、 立法會(航運交通界)易志明議員、商業電台總經理陳靜嫻女士(Rita)、運輸署署長陳美寶太平紳士、 道路安全議會主席兼香港警務處副署長(行動)鄧炳強先生、 馬路的事緊急相助基金監察委員劉健儀太平紳士(Miriam)、 馬路的事緊急相助基金監察委員兼的士服務質數委員會副主席李家慧女士 (Agnes)、商台製作助理總經理古善群女士(Daisy)。

祝酒完畢,兩位司儀換裝上陣,化身大富翁「馬貴」同「李富」同大家送獎品、派利是!

話咁快第一班幸運兒誕生喇!大家都手持利是,合照影相留念。

咁開心,點可以俾佢停呢?派完利是,就玩吓遊戲啦!

第一個遊戲,「機會難逢」!每一位被抽上台玩遊戲嘅朋友都會獲得禮物,真係未 玩都先興奮呀!

第一回合就要考驗大家嘅默契!參加者每人都會得到一盒積木的士模型,兩人一組,如果兩盒積木的士車身顏色相同嘅話,就可以晉身下個回合。

大家打開福袋嘅時候都好緊張,希望可以晉身下個回合,嬴到大獎!

最後只係得四位可以晉身決賽呀!第二回合就要估吓以下呢三架的士模型係由幾多粒積木砌成。大家都好仔細咁觀察模型車,諗清楚先寫答案!

勝出者誕生喇,佢可以贏得豐富現金獎!商業電台總經理 Rita,及泰加保險代表上 台向勝出者頒獎。

一個好嘅遊戲,點可以淨係得台上嘅人玩呢?台下每枱都會一齊參與遊戲,一齊估吓積木嘅數量。

恭喜勝出嘅朋友呀!由商業電台馬路的事企劃總監 Samuel 以及 Royal Toys 代表向 全枱頒發獎品。

全晚又點會只係得一個遊戲呢!好事當然要成雙!

第二個遊戲「命裡有時終須有」正式開始!

每一位玩遊戲嘅朋友都會獲得禮物呀!睇吓大家都笑到見牙唔見眼,就知道有幾開心啦!

呢個遊戲分三回合進行,司儀會講出三個條件,符合條件就可以留低。你睇吓,話咁快台上只係淨低兩位參賽者喇!

獨樂樂不如眾樂樂!一個人中獎,點夠一班人中獎咁開心呀!所以我哋決定:同枱嘅朋友都會獲得現金獎呀!恭喜晒!

我哋嘅禮物又點會咁快派完呢?萬眾期待嘅全場大抽獎而家開始喇!

十九週年晚會圓滿結束,感謝各界嘅出席!好開心可以為大家帶嚟一個咁難忘、咁熱鬧、咁溫馨晚上!喺嚟緊嘅日子,馬路的事會繼續關心馬路上嘅每件事,向出年第二個十年全速前進!

關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們