高清881 高清903 am864 infomation
18.10.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
強積金強逼你蝕錢? 
11.03.2009        
     

滙控嘅股價令到香港好多散戶嘅心情好似坐過山車咁,全球金融市場其實都係咁風高浪急,歐美銀行唔係執笠就係畀政府接管,英國、美國呢啲金融大國,亦要大量發行國債黎挽救經濟。投資專家話,09年美國嘅債券市場可能會崩潰。
 
香港嘅打工仔女係呢個環境之下,即使無買股票,無炒迷你債券,你嘅財富都已經大幅縮水,因為我哋個個月都要供強積金。
 
根據積金局嘅數字,舊年下半年強積金嘅總體回報大跌23.4%。如果一位打工仔喺強積金成立最初,每個月就已經供款一千蚊,佢到上年年中應該儲咗18萬,跟住嗰半年嘅強積金回報就一次過蝕咗三萬六。
 
見到咁嘅環境,相信大部分人都想穩穩陣陣,咩都唔投資。咁樣又得唔得呢?對唔住,唔得喔。係強金局嘅網頁介紹嗰四種市場上嘅投資計畫入面,個個都有風險。股票基金同混合資產基金,兩類都唔使點講,舊年已經跌咗三成到四成。保證基金叫做有基金公司嘅資本保證,但係都跌咗5%。好喇,咁保本基金保唔保到本呀?保就保到嘅,都叫做有1.2%增長,不過舊年嘅消費物價指數升咗2%,即係話賺咗都唔夠俾通賬侵蝕。
 
至於長線咁睇,強積金嘅表現可以話得個「吉」。由2000年強積金成立開始,到舊年年尾呢八年期間,強積金嘅整體回報只係得0.1%,計埋通脹率的話,真係連保本都唔得。
 
大家眼白白睇住啲強積金係咁蝕,又可唔可以拎啲錢出嚟放係銀行就算呢?對唔住,係唔得。法例規定,除咗退休、長期離港呢啲原因之外,供款人係唔可以提取強積金。即係話,大家個個月將錢放入強積金戶口,但係要眼白白睇住啲錢一路咁蝕,只能束手就縛。
 
《雷霆一擊》因應呢個問題,構思喺強積金計畫入面,加多一項完全唔做投資嘅選擇,例如港元定息定期存款。市民至少可以係經濟逆境下多一個避難嘅選擇,而且不用付各大手續費。
 
城大管理科學系副教授曾淵滄就認為呢個諗法完全可行,仲話同樣係亞洲國際城市嘅新加坡,佢哋成立咗半個世紀嘅中央公積金制度,就一早已經實行緊添……
 
強積金可以用嚟供樓,一定係唔少香港人嘅喜訊。其實,本港今年嘅新入伙樓宇已經貶值兩至三成,嚟緊好多人要籌錢上會供樓,否則甚至可能要撻訂,趁住呢個市況,如果政府可以參考新加坡,放寬強積金嘅取回條件,對房地產市場以至消費市場都一定有益。
 
回想十多年前,政府在推銷強積金政策時,又話要保障市民老有所養,又話可以令市民可以安享晚年,咁對香港人黎講,買樓自住可以話係佢地最大嘅願望,用強積金買樓可以幫市民未雨綢繆。政府應該趁依果時候,好好考慮一下如何放寬強積金嘅用途嘅建議,令到市民可以真真正正利用強積金作出真正嘅保障。既然我地依兩個建議對市民有咁多好處,點解政府都唔做呢?當中又有咩陰謀呢?聽日嘅《雷霆一擊》我地再講呢個問題。

(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們