高清881 高清903 am864 infomation
21.10.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
強積金助你退休得個吉? 
12.03.2009        
     

《雷霆一擊》上次探討過,而家嘅強積金計畫中,可以話係強迫大家進行金融投資,而且即使你現在為日後的退休生活作打算,買樓自住,在現行的法律底下,你都係唔可以動用強積金戶口中的錢。除咗限制多多之外,我們亦都認為在現時金融市場動盪的環境下,應該改善強積金提取嘅方法。當大家六十五歲退休嘅時候,對於你嗰筆強積金只係得兩個選擇,一係一次過拎走,馬上套現,一係就全數保留,遲啲先拎出黎。
 
不過,如果呢一排退休嘅人等錢洗,佢地就只能夠將蝕到入肉嘅強積金一次過套現,失去守得雲開見月明嘅機會。所以,有投資專家就建議,積金局應該放寬提取強積金嘅機制,除了以上兩個選擇外,應該還要允許退休人士可以決定一次過或分階段,拎番強積金戶口嘅錢。大福資產管理董事總經理劉耀威話……
 
總括黎講,喺而家嘅投資市況,《雷霆一擊》覺得強積金至少要有三個地方需要改善:
 
第一就係喺強積金戶口嘅投資計畫入面,應加入港元定期戶口,令唔想參與股票或外匯投資嘅市民,可以多一個選擇,減少手續。亦可以令市民喺投資環境唔明朗嘅時候,有多一個避難選擇。
 
第二就係容許市民喺退休前可以動用強積金嘅存款用黎買樓。居住問題係大多數香港人嘅切身問題,用強積金買樓,除咗可以真真正正解決市民嘅退休問題,仲可以推動地產市道。
 
最後一個建議就係增加提取強積金方法嘅選擇,容許市民可以唔使一次過拎晒筆錢出黎,可以慢慢提取,剩番嘅錢繼續投資。
 
《雷霆一擊》搵過幾位立法會議員,睇下佢地對我地呢個建議有咩睇法。不過,唔係話對呢個問題唔熟悉,就話我地呢啲建議唔可行,仲話我地唔鼓勵人投資,會令到市民嘅資產貶值喎。
 
好彩,最後我地搵到李卓人,佢話喺個幾月前向積金局提出過,要喺強積金戶口入面,增加一項定期存款嘅投資計劃……
 
不過政府以種種理由拒絕咗,咁樣講,我地呢啲建議其實並非唔可行,只不過政府無咁嘅打算啫。《雷霆一擊》邀請過強積金管理局,討論一下強積金投資方案嘅問題。佢地話呢個問題涉及法例修改,不作評論喎。但有位唔願意公開身分嘅大學教授相信,政府為咗增加釐印等稅收,政府係唔會接受強積金不作投資呢個選擇。佢仲認為,政府搞強積金出黎,其實並非為咗市民嘅退休打算喎,而係想擴大股票同投資市場。
 
政府拎我地嘅強積金用黎發展金融市場?我地當然希望政府唔係咁諗喇,不過強積金嘅制度一日唔改善嘅話,大家退休之後想安享晚年,都唔係咁容易嘅事。
 
(本聲音專欄只反映主持人及個別參與人士的個人意見。)
 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們