高清881 高清903 am864 infomation
21.10.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
金融海嘯引發社會動亂? 
13.03.2009        
     

美國阿拉巴馬州,一名失業男子槍殺九名親人及陌生人後吞槍自殺。同一日,德國斯圖加特市又有一名少年,衝入學校用機關槍亂槍掃射,擊殺十五人。經濟不景真係會製造呢啲暴力慘劇?
 
咁咩係經濟不景呢?美國總統杜魯門話:「所謂經濟衰退,就係你嘅鄰居失業;而經濟蕭條就係連你自己都無工做」。今年開始,全球失業情況已越來越嚴重,美國失業率預計會達到8.8%;而歐元區最大經濟體系德國,失業率現時為13%,西班牙更高達14%。而家嘅情況就算唔係蕭條,都已經係衰退咯。
 
美國傳媒報道,美國中情局CIA已經將頭號任務,由捉拉登改為打擊歐洲嘅新納粹主義。事實上,隨住歐洲經濟越來越差,奧地利已經由新納粹政黨「奧地利前途聯盟」執政,而德國新納粹政黨──國家民主黨,更加在州議會選舉中贏得超過5%選票,可以名正言順地得到政府嘅資助。
 
1930年全球經濟大蕭條,造就納粹主義當道,當年大魔頭希特拉上台不久便發動世界大戰。浸會大學歐洲文獻中心主任楊達表示,1930年代嘅環境同而家相比,其實都有相似嘅地方……
 
今年二月喺德國舉行嘅極右分子集會入面,有近七千名新納綷分子參加,比舊年參加嘅人數多一倍。佢地打住「反移民、反猶太人」嘅旗號,更喺各地發動襲擊事件。
 
右翼思潮抬頭,亦間接引發社會嘅動盪。英國警方警告,無政府主義者計劃喺四月一號發動暴亂,抗議企業無良,引發金融海嘯。而失業率高達14%嘅德國柏林市,佢地由十二月開始出現數以百計嘅毁壞豪華汽車案件,警察局長更要公開呼籲民眾唔好將保時捷呢啲靚車泊喺街邊。
 
雖然係咁,不過楊達認為最危險嘅地方並唔係西歐,反而係前共產主義地區東歐……
 
楊達相信,隨住民主國家呢幾十年黎著力改革社會福利,納粹思想呢一類極右思潮,未必得到普遍民眾支持。而地球嘅另一面亞洲,雖然經濟不景氣打擊民眾對政府嘅信心,不過保護主義、種族主義呢啲極右思想,咁多年都未流行於亞洲,所以納粹主義未必喺亞洲有市場。
 
不過無右翼思潮,唔代表亞洲社會一定穩定。好似話,日本經過廿年嚟嘅經濟不景,令到當地嘅共產主義抬頭。八十幾年前出版嘅共產主義小說《蟹工船》,每年銷量由四千本急增至現時五十萬本。當地官員擔心,呢一股共產主義熱潮,會加深低下市民同政府嘅矛盾,令國家不穩。
 
有人估計,隨住全球經濟災難,類似希特拉嘅煽情領袖為取悅民眾會發動戰爭。而各地社會嘅不穩,亦加速爆發全球戰爭嘅可能。呢個時候預言會打仗,當然會畀人話「妖言惑眾」。不過,如果各國政府都淨係識得拎幾千億出嚟,救嗰啲肚滿腸肥嘅大企業,而忽略食唔飽、著唔暖嘅基層市民,就算唔打仗,社會都唔會穩定得幾多。
 
(本聲音專欄只反映主持人及個別參與人士的個人意見。)
 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們