高清881 高清903 am864 infomation
15.10.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
強積金大漏洞 
17.03.2009        
     

最近美國傳媒報道話金融海嘯之下,好多跨國嘅大企業,包括通用汽車、聯邦快遞、摩托羅拉,都經營困難,連帶佢地幫僱員供款嘅退休公積金,都已經開始停止供款。美國一個叫401k嘅退休基金,就話有百分之五嘅僱主,最近停止供款。好彩,香港嘅強積金僱主唔幫僱員供款係屬於犯法,喺舊年實施嘅新法例,僱主違反供款規定,最高罰款四十五萬同監禁四年,不過呢個罰則又有無阻嚇力?僱主又會唔會因為金融海嘯,唔履行自己供款嘅責任呢?

根據積金局資料,喺上個年度積金局收到六千幾宗僱主拖欠供款嘅投訴。不過,積金局只向四百幾宗提供檢控,檢控率不足一成。立法會議員李卓人表示,雖然喺舊年年底,政府提高僱主欠供款強積金嘅刑罰,不過,實際上積金局只係用消極嘅態度處理呢啲個案。

無良僱主會違反法例,唔幫夥計供強積金,而強積金嘅政策,其實都有一個好大漏洞──畀僱主名正言順去剝削僱員。依照強積金法例,僱主可利用佢喺強積金計劃幫僱員繳付嘅累積款項,抵銷當僱員遣散嘅時候,所發放嘅長期服務金或遣散費,即係話,就算僱主個個月都幫你供足八年強積金,不過如果當公司執笠,你強積金戶口入面僱主嗰筆款項,都可以用嚟當係遣散費畀你。

上個月結業嘅雪園飯店,遣散左五十名員工,老闆就用強積金,用嚟支付遣散費,不過老闆咁樣做絕對無犯法。李卓人亦指公共機構職業訓練局,亦都用呢項洞漏,令一位被解僱嘅員工損失超過三十萬。一直有研究開本港退休保障政策嘅理工大學應用社會科學系講師張超雄,佢話當初設計強積金政策嘅時候,係為左氹僱主落答而增加呢項安排,李卓人亦同意張超雄呢個分析,而佢亦強調呢個時候絕對應該要堵塞呢個漏洞。

政府喺回歸後就着手制訂強積金政策,好多問題當時都無預計到,當時政府預計經濟會一路都有增長,僱主供款完全無問題,到而家經濟不景,僱主幫僱員供強積金,就成為一個好大嘅負擔。張超雄認為呢個時候政府應該完善強積金政策,必要時,政府更應該落水協助問題企業。

我們曾邀請負責強積金政策嘅財經事務及庫務局,不過他們表示並不接受訪問,仲話他們其實一直都有檢討強積金政策,如果真係咁嘅話,就真係唔明點解呢個強積金會有咁多漏洞出現,佢地都好似懵然不知,如果政府真係唔想市民退休之後要完全依賴政府福利,咁依家就應該要認真檢討強積金政策,等打工仔真係可以老有所養,用自己嘅強積金去支持日後的退休生活。

(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
工會指有僱主逃避繳付遣散…
28.02.2009
何宗基指注資強積金可保障…
20.02.2009
強積金的背景
強制性公積金計劃管理局
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們