高清881 高清903 am864 infomation
21.10.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
強積金問題官方回應 
19.03.2009        
     

喺過去嘅個幾星期,我哋《雷霆一擊》先後探討過強積金喺金融海嘯之下遇到嘅不同問題,亦都提出咗好多嘅建議。節目出街咗之後,負責強積金政策嘅財經事務及庫務局聯絡我哋話,副秘書長何宗基想對呢啲問題作出回應。

我哋有五個建議嘅,頭三項就包括:引入港元定期存款嘅投資計畫、准許市民提取強積金嚟到買樓、同埋增強退休嘅時候提取強積金嘅彈性,何宗基就話香港嘅強積金唔同新加坡,佢哋嘅供款比重高過香港好多,兩者係唔可以攞嚟比較嘅。不過我哋只係要求增加個選擇啫,唔使被手續費、管理費同埋通脹蠶食,咁都唔得?

至於話強積金最大嘅漏洞,就係話僱主喺公司執笠嘅時候,可以用強積金嚟到支付遣散費呢個問題,何宗基就話政府並不可以單方面去改。

何宗基開口埋口都話改唔改要考慮僱主嘅諗法喎,如果真係政策有漏洞嘅話,無論咩人滿唔滿意都好,都應該堵塞咖,係咪啊?

至於我哋最後嘅建議就係,喺經濟不景之下,為免僱主斷供強積金而令到僱員有所損失,政府其實應該落水,幫有問題嘅僱主墊資供款,何宗基就表示欠供強積金跟欠薪有所不同,積金局亦有插手追討問題,現階段只希望透過營商去做,如整體環境有需要,並不排除考慮其他方案。

面對金融海嘯,我哋希望增加更安全嘅投資選項,以及增強使用同埋提取嘅彈性,政府都係話唔可行嘅;咁我哋希望堵塞強積金嘅漏洞,等佢唔可以同遣散費對沖,佢就話呢個問題已經喺成立之前討論過,已經唔係問題,今日唔需要再去討論。我哋眼見美國嘅大企業停供強積金,為咗預防香港都有斷供潮,要求政府包底,協助有問題嘅僱主,咁政府又話佢已經做咗好多嘢,唔使改變咯喎……俾我嘅感覺就係,政府係會繼續因循落去,問題一日唔爆煲,佢哋都唔會防微杜漸、未雨綢繆,呢個正正就係我哋特區特府做事嘅手法喇!

(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
強積金的背景
強制性公積金計劃管理局
雷霆一擊:強積金大漏洞
www.881903.com
已經有2位網友作出回應

已對呢班高官完全失望.永遠唔想變、唔想多做,都唔知做乜要咁高人工請佢?有人話太多批評所以攪到佢地咁,我想話既然你坐得呢個位,攞得呢份高薪就要有承擔(食得咸魚抵得渴),唔係點解要高人工請你.如果怕被批評就唔好做. 另話僱主喺公司執笠嘅時候,可以用強積金嚟到支付遣散費呢個問題,咁我想問如果失業超過兩年或以上,又可唔可以提前提取強積金用呢(始終都係自己既錢)?總好過去借高息貸欵.咁又得唔得呢?

19.03.2009 13:41 post by koan
 
香港特區特府的口號一直都是:"No Change" 另一方面,現在全球這麼多金融機構經營困難,面臨倒閉。當年是香港特區特府強迫全港市民一起投資(賭)金融市場,雷曼事件後,為何沒有立法會議員質問香港特區特府:如果有強積金公司倒閉,香港特區特府是否會包底?而只是處理雷曼事件,頭痛醫頭?

19.03.2009 12:57 post by Richard
 
 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們