高清881 高清903 am864 infomation
16.09.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
新牌仔投保有難度 
20.03.2009        
     

買保險都係為求安心,當遇到意外時都可以得到保障。不過,保險索償投訴局去年嘅投訴個案比前一年增加咗兩成,其中醫療保險嘅投訴最多。
不過,雷霆一擊收到投訴,指除咗醫療保險有好多陷阱外,原來購買汽車嘅第三者保險都出現好多問題,好多新牌司機都買唔到保險添。
現行法例規定,車主一定要幫佢嘅車輛購買俗稱為三保嘅第三者保險。不過由於早年新牌司機嘅意外嚴重,保險業對新牌司機購買第三保,作出種種規限,例如大幅提升保險費,拒絕承保,以及喺發生意外後,要分擔部份賠償金額,俗稱墊底費係大幅增加。

喺而家情況下,保險公司為咗保障自己,會要求司機喺發生意外後承擔部份賠償。不過,如果意外並無涉及人命傷亡,保險公司原來係無必然嘅法律責任,例如,當司機喺意外後拒絕向保險繳交墊式費嘅時候,受害人就由經法庭向對方嘅保險公司進行民事索償,而且由於汽車保險係保險公司最大虧損,根據保險監理處嘅數字,汽車保險舊年有二億五嘅虧蝕,大幅下滑,喺在商言商嘅環境下,保險公司唯有對新牌司機增加第三保嘅保費同條件,保險界立法會議員陳健波就話呢個問題已經出現幾好多年。

喺保險公司嚴重虧損下,新牌司機買唔到保險,唯有自己想辦法:第一個方法係搵朋友假冒車主,不過當發生意外時保險公司未必會承擔賠償;另一個辦法就係新牌司機索性將自己雪藏,等待一兩年後牌齡長咗,保費平啲之後,先至買車買保險。不過,呢啲雪藏咗幾年嘅新牌司機,因為幾年無揸車,出到街更容易發生意外。而陳健波更加話呢啲係市民嘅誤解,因為喺實際買保險嘅時候,保險考慮嘅並唔牌齡有幾長,而係司機揸車係咪真正安全。

就住新牌司機買第三者保險有困難嘅問題,我地搵過立法會議員鄭家富。鄭家富表示,呢個問題喺幾年前已經喺立法會討論過,政府同立法會只能敦促保險公司降低保費,因為喺自由商業社會入面,佢地唔可以干預保險公司。

好彩,陳健波話政府今年開始實施新牌仔要掛P牌嘅規定,以及加強醉酒駕駛嘅執法後,如果新牌司機發生意外嘅數字能夠持續下降,咁到時就可以降低新牌司機投保嘅保費。

(本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
2008年首三季香港保險業務市場分析
保監處
了解「暫准駕駛執照計畫」
運輸署
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們