高清881 高清903 am864 infomation
16.09.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
美國開機印銀紙 香港通脹幾時嚟? 
23.03.2009        
     

美國聯儲局宣布將會喺未來六個月購買總額三千億美金嘅美國長期國債,消息震動全球金融界,因為這證實了聯儲局正式執行量化寬鬆政策,亦即係話美國開動佢嘅印鈔機大舉印美金。
 
所謂量化寬鬆,Quantitative easing,就係指用「印銀紙」呢個方法製造資金,再喺公開市場購入國債券,或者向存款機構借出資金,甚至直接向銀行購入資產,以鼓勵金融業向機構或個人放貸。
 
歷史上實施「量化寬鬆」聞名嘅國家首推日本。佢地喺上世紀九十年代,因為房地產泡沫爆破,銀行負債纍纍,到2001年經濟仍然一沉不起,於是日本政府不斷為市場注入資金,金額由佔國民生產總值嘅一成到兩成,結果成功令經濟起死回生,喺2003年他們終於復甦。
 
市場預期呢次聯儲局開機印銀紙,最直接嘅影響就會造成美元疲弱,而同美元掛鈎嘅港元,亦會因為美金疲弱而貶值。
 
1983年香港前途問題引發嘅信心危機中,港元匯價大幅下降,當年9月一度下跌至9.6港元兌1美元歷史低位。呢次港元大幅貶值間接引起社會動亂:的士罷駛,市民去超市搶購糧食等。咁萬一今次美金真係大幅貶值,港幣危機又會唔會好似1983年呢?科技大學經濟發展研究中心主任雷鼎鳴就話,情況一定唔會去到咁差,甚至連通脹都可能唔會出現……
 
而浸會大學嘅麥萃才話短期內最直接嘅影響,就係金價會飊升……
 
黃金嘅生產成本雖然平均每安士只係280蚊美金,不過由於佢喺投資市場有特殊地位,所以長期處於求過於供,而且四十年之後全球嘅黃金都會畀開採哂。以往,全球大多數國家以金本位作為貨幣嘅支持,即係話當要開機印銀紙之前,就必需要有同等價值嘅黃金作儲備。到1944年《布雷頓森林協定》之後,雖然全球大多數國家都取消金本位嘅政策,不過唔少國家現時都有儲備大批黃金,以作為穩定國家經濟嘅方法,所以黃金仍然保持佢喺經濟上嘅特殊地位。而全球最大嘅黃金儲備位於紐約嘅聯邦儲備銀行,入面儲備嘅黃金多達全球嘅總儲存量3%。
 
由十九世紀開始,南非係全世界最大嘅黃金生產國,不過喺2007年開始,因為中國憑住進口大量黃金原材料,因此取代南非成為全球最大產金國。
 
呢次聯儲局公布用三千億美金買美國債劵之後,金價隨即彈升6%,亦發揮了資金避難所角色,睇黎傳統智慧仍然適用──當美金下滑得越要緊,金價便會升得越厲害
 
(本聲音專欄只反映主持人及個別參與人士的個人意見。)
 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們