高清881 高清903 am864 infomation
17.09.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
外交人員犯咗法唔駛「拉」? 
24.03.2009        
     

非洲國家津巴布韋第一夫人阿Grace,今年一月涉嫌喺香港襲擊一名採訪佢嘅英國記者。香港律政司因為阿Grace擁有外交豁免權,因此香港特區政府唔會起訴佢。
 
外交豁免權可以話有幾千年歷史,中國春秋時代有「兩國交兵,不斬來使」嘅記載,就算係敵對國家都唔會留難外交人員。而古代嘅波斯帝國以及歐洲嘅羅馬帝國就奉行尊重外交人員嘅傳統。直至1961年嘅《維也納外交關係公約》先正式確立外交官員,以及佢地嘅親屬都可以唔受當地法律管制嘅特權。以後世界各國陸續簽訂幾項協議,確立外交人員除咗免被當地政府檢控之外,亦免被海關檢查以及出入境自由等特權。
 
呢啲特權,理論上係為咗維持對國與國之間嘅專重,亦都俾外交官爭取自己國家利益嘅時候,毫無後顧之憂,即使被對方栽贓陷害都不用怕坐監殺頭,但有特權嘅時候就自然有被濫用嘅可能,呢次津巴布韋第一夫人Grace,明明就係濫用咗佢嘅外交特權,立法會議員涂謹申就話依種情況特區政府只能夠接受……
 
其實,世界各地唔少外交人員利用呢方面嘅特權而逃避法律責任。以香港為例, 2001年,越南駐港總領事涉嫌喺銅鑼灣非禮女途人,事後佢以外交豁免權獲釋。而2000年,立法會議員亦揭發唔少外國駐港領事館涉嫌違反交通條例,而以外交人員為理由豁免控罪及罰款。
 
而英美嘅政府,因為派駐當地嘅外交人員眾多,所以濫用豁免權嘅問題非常嚴重。譬如話聯合國總部所在地紐約市,外官人員就用豁免權唔交交通罰款,每年未交嘅牛肉乾有15萬張,欠交嘅罰款超過1800萬美金;在06年派駐倫敦嘅外交人員,有86個國家都欠交倫敦嘅入城費,市政府當年損失超過1800萬鎊收入。
 
呢次津巴布韋第一夫人,以外交豁免權逃脫佢喺香港涉嫌打人嘅檢控,雖然引起唔少人嘅質疑,不過喺國際上其實呢宗事件只屬於小兒科。上世紀九十年代,哥倫比亞派駐英國嘅外交官,被指涉嫌利用佢外交官身份出入境唔使檢查,走私大量毒品。英國政府最後唯有利用籲論壓力以及外交手段,先至可以解決問題。
 
而有「外交孤島」之稱嘅台灣,佢地現時只得廿幾個邦交國,台灣政府為咗維持同呢啲外交官嘅關係,就算駐台外官員犯罪好多時只係隻眼開隻眼閉。2002年,巴拉圭駐台外交官員,先後淫辱七名台灣女大學生,更向呢啲女仔傳播性病。呢名外交官員最後引用特權免受檢控,返回巴拉圭了事。
 
不過,外交人員濫用豁免權都唔係完全無佢地符。英國喺2002年,就因為哥倫比亞外交人員涉及謀殺案,該名外交人員利用特權潛逃出走,英國政府制裁哥倫比亞,最後引發外交風波。
 
而津巴布韋夫人涉嫌打人,雖然可以用外交特權逃罪,不過涂謹申話香港政府其實都唔係一籌莫展……
 
面對外交問題,香港嘅一國兩制身份就更加尷尬。不過,外交人員濫用外交特權嘅情況一定會繼續出現,其實特區政府可以趁住呢次事件,同中央政府商討成立一套機制,喺未來解決呢一類外交糾紛。
 
(本聲音專欄只反映主持人及個別參與人士的個人意見。)
 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
黃仁龍指津巴布韋第一夫人…
23.03.2009
被打傷的英國記者質疑津國…
22.03.2009
涉在港傷人津巴布韋第一夫…
22.03.2009
已經有1位網友作出回應

我覺得這件事對該記者好唔公平 有損香港社會既形象!! 因為佢係津巴布韋第一夫人就俾佢打人合理化 [[打人合理化]]好離譜囉!! 難保佢下次訪港有會唔再打人 持住自己擁有特權而莫視法津 唔理人地既尊嚴 人證、物證都有 香港點解可以准許d不守紀既人到訪架?? 當知道佢獲豁免起訴之後,好憤怒好憤怒!!

24.03.2009 13:27 post by 筱澄
 
 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們