高清881 高清903 am864 infomation
22.09.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
傳統報紙無得做,轉做網報真係好? 
25.03.2009        
     

曾幾何時有人話「印報紙等於印銀紙」。香港唔少富豪都靠辦報致富,好似話創辦《明報》嘅查良鏞,前《信報》社長林行止,同埋創辦《蘋果日報》嘅黎智英等。
 
不過今時唔同往日,金融危機之下全球嘅報紙市場都嚴重萎縮。受金融海嘯影響最嚴重嘅美國,今年頭三個月就有三十幾間報館申請破產保護。啱啱又多一份有174年歷史的《密歇根日報》宣佈喺7月唔再出版印刷版報紙。而呢兩個月內,美國就有兩份有近150年歷史嘅報章停刊;美國其他大型報業集團亦都紛紛壯士斷臂,世界報業一哥嘅《紐約時報》都不能倖免,要出售其中總部大樓其中21層,套現兩億美金;而美國的第三大報業集團麥克拉奇就啱啱宣佈裁員1600人。
 
報業唔掂,原因當然就係廣告量大減。由07年開始,美國報紙廣告收入每年跌幅平均三成。而喺香港,最新的調查亦顯示有6成嘅機構都會減少喺報紙落廣告。
 
除咗廣告減少之外,傳統報業集團仲受到互聯網發展嘅影響,令讀者人數大減。《西雅圖郵報》最近就停刊,將炒剩兩成嘅人手擔任網上即時新聞嘅工作;《密歇根日報》亦都會喺7月開始轉做電子版。
 
以香港為例,差唔多每一份報紙都有網上版,連一向以傳統方式辦報嘅《信報》,舊年都推出咗部分收費嘅網上版,而這些網上報紙,大多數資訊都係免費。而喺外國,就算係金融報章嘅大哥《華爾街日報》佢地原本收費嘅網站喺07年都要向市場低頭,免費開放。
 
報館投放大量資源去開拓網站,會唔會加速傳統報紙嘅滅亡?中大新聞及傳播學院院長蘇鑰機教授一直有研究電子報的經營模式,佢就話電子報只係靠網上廣告微薄的收入的話其實好難維持。如果要搞網上收費報紙的話,蘇教授就話要成功非常困難……
 
傳統報業面對互聯網嘅挑戰,結果反而要自己投身互聯網。而互聯網辦報嘅模式同傳統又好唔同,風險更大。美國唔少大城市,好似話科羅拉多州首府丹佛市,同埋亞利桑拿州嘅圖森市嘅地方報紙都面對呢個問題,而且都只係執剩一份嘅地區報章。
 
唔少香港人一日睇超過一份報紙,咁報紙嘅選擇少咗,會對香港社會又有咩影響呢?蘇鑰機就話,報紙喺社會扮演的角色唔係其他新聞媒介可以取代的……
 
蘇鑰機就覺得傳統報業似乎有啲無計可施,不過值得慶幸嘅係,用傳統媒介閱讀嘅人數其實並無減少。歐洲嘅書籍銷售機構分別發出報告,指07同08年歐洲書籍銷售量分別上升2%左右,而加拿大更上升6%,美國微增1%。書籍銷售量上升,意味住互聯網唔似想像中咁大破壞力。而且,專家分析話,用傳統媒體閱讀文字嘅人數其實無大變化,不過以往睇開報紙嘅讀者,因為呢兩年報紙太多負面消息,而令佢地走晒去睇哈利波特呢一類消閒書籍。
 
或者我地應該期望呢個世界可以多返啲好消息,等傳統報業可以繼續生存落去啦。
 
(本聲音專欄只反映主持人及個別參與人士的個人意見。)
 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們