高清881 高清903 am864 infomation
16.09.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
鬼網要小心 
31.03.2009        
     

喺舊年,達賴喇嘛搵咗加拿大嘅網絡保安專家,循例check下自己嘅電腦。點知一check之下,發覺達賴喺比利時、倫敦同紐約辦公室,都畀一種被稱為《Ghostnet》(鬼網)嘅間諜軟件入侵。查下查下,仲發覺南韓、印度、德國、巴基斯坦同羅馬尼亞呢啲領使館,以及台灣駐外辦事處嘅電腦都畀鬼網入侵。
 
呢班加拿大專家亦發覺,鬼網發出嘅伺服器位於海南島、廣東同四川,唔少網絡專家都懷疑,鬼網係由中國黑客散佈。
 
中國黑客自稱為「紅客」,佢地同國際間嘅黑客最大分別係,佢地嘅攻擊都帶有政治目的──對認為傷害中國嘅國家發動攻擊。就係因為呢套政治理念,佢地喺呢十年黎多次向外國發動網絡戰爭。1999年北約誤炸中國駐南斯拉夫領使館開始,紅客就向歐美國家嘅政府網站發動攻擊,曾令白宮官方網關閉三十小時。2001年中美軍機相撞後,紅客喺五一黃金周動員全國網民,攻擊美國政府網站。美國網民隨即還擊,數以千計嘅中國同美國網站同時遭到破壞。同一年日本鷹派政客否認南京大屠殺,紅客政擊日本七十幾個網站。到舊年,澳洲政府發現,中國黑客對澳洲政府嘅機密電腦發動惡意攻擊。
 
而呢次鬼網入侵達賴嘅電腦系統,已經唔係單純嘅惡意攻擊網站咁簡單。鬼網藉住電郵入侵電腦,監控用戶電郵,更可以遙控電腦嘅拍攝同錄音功能,令黑客可以經互聯網睇到同聽到電腦附近發生嘅事。
 
香港互聯網協會主席莫乃光就話,中國嘅黑客一向都有發動零星攻擊,而佢更加話香港唔少人其實都中過招……
 
莫乃光補充話,而家呢啲惡意攻擊電腦嘅電郵已經比以前進步咗好多,莫乃光接過一個假扮政黨發出嘅電郵,就係話佢地辦事處開幕,邀請佢去做嘉賓。單憑郵件嘅標題同內容,未必知道係惡意電腦。
 
而民間組織「IT呼聲」嘅成員楊和生,本身係資訊安全顧問,亦經常收到由中國發出嘅垃圾電郵,內容就有鬼網呢一類間諜程式,佢話香港泛民主派嘅成員就受過呢啲電郵攻擊。
 
本身係資訊安全顧問嘅楊和生就話電腦一上網,就一定有風險,不過萬事小心,就可以防範外界攻擊。
 
無論鬼網係咪由中國黑客發出,中國互聯網嘅保安問題都一直為人垢病。大陸嘅網站既多pop up彈出式廣告,又有傳播adware廣告軟件,如果電腦無做好保護,上大陸網站真係要小心。既然中共花咁多資源監控網站嘅言論,不如好好用呢啲資源去監理一下佢地啲網站,唔好再發出咁多病毒喇。
 
(本聲音專欄只反映主持人及個別參與人士的個人意見。)
 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們