高清881 高清903 am864 infomation
16.12.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
陶言:警隊洋人指揮 
25.06.2019        
     

612嗰個政總嘅暴動事件,有人搜索出原來喺前線指揮官決定放催淚彈同埋下令係暴力清場嘅竟然係兩個自八十年代加入警隊嘅英國白人警官,後來佢地嘅尊容亦都被網民發現,就呈交比英國嘅傳媒,登咗出嚟,英國國民亦都大為不齒,話點解英國一個祟尚民主、自由人權嘅國家,你個啲咁嘅警察擺到去香港落手咁狠呢﹖諸如似類。呢個問題,身為一個香港人,反而覺得有少少有趣。

第一,香港主權移交超過22年,港人治港、揚眉吐氣、當家作主,點解處於前線呢一個指揮官,你唔用炎王子孫,黃皮膚嘅警員,而一定要用一個英國白人呢﹖係咪話回歸咗22年,香港警隊無一個黃皮膚嘅警官,具有喺前線對付所謂嘅「暴動」,決定點樣樣鎮壓嘅判斷能力,一定要用英國人不可呢﹖呢個咁嘅外國勢力,喺一個關鍵位起一個咁嘅作用,你點知佢嗰個判斷係專業,同埋啱架呢﹖因為當我睇到呢個洋人警官嘅時候,我突然間諗起,喺1997年之後,長達十年八載,當阿董施政諸事不順嘅時候,就好多親中愛國嘅陣營解畫,話其實阿董係有能力架,不過英國佬彭定康撤出前就留低好多地雷,咁呢一啲警官會唔會亦都係地雷之一呢﹖譬如話明明喺前線嘅專業判斷,其實放10個催淚彈就夠,佢同你放夠100個呢。咁就令人地覺得有少少有趣,因為其實你問我,我就覺得無偏見嘅,係咪﹖

但係,或者而家特區政府林鄭覺得,英國佬俗稱放個屁都係香啲,放佢喺前線到放催淚彈,嗰個判斷係一定精確過任何中國人嘅警官呢,係咪﹖咁所以我睇到,其實都幾放心,因為確實香港年輕人好多的確係戀英,覺得英國佬留低,同埋以前嘅時候,佢地管治嘅能力係非常之好,可能係咁,呢個林鄭就有意打一隻叫「種族牌」,佢其實都唔係第一個架啦,2014年嗰個「旺角魚蛋」、喺龍和道,同埋街頭都有一啲洋人警官喺到係指揮放水炮,或者係放催淚彈嘅,喺呢啲關鍵位上,又令人覺得而家呢個特區政府確實係要倚重洋人同埋外國勢力,如果唔係仲大鑊。

講開又講,由另一個角度,都多得呢兩個英國白人警官果斷平亂,先至傷得80幾人咁少,如果搵過第二個,可能傷亡更加慘重呢,係咪﹖都可謂「不幸中之大幸」,我只能夠擁護政府,覺得林鄭同埋盧偉聰署處長真係深慶得人,用一個英國人喺前邊咁樣放催淚彈法係非常之英明嘅。

(內容只反映主持人及個別參與人士的個人意見)
 
 
陶傑:律政司長的回應
13.12.2019
陶傑:工展會受累
12.12.2019
陶傑:聖誕燈飾
11.12.2019
陶傑:區議員津貼
10.12.2019
陶傑:華為啟示
09.12.2019
陶傑:美戰艦不獲舶港的影…
06.12.2019
評天下‧陶傑
已經有0位網友作出回應

 
姓名: 陶傑
真名/別名: 曹捷
生日: 8月17日
星座: Leo
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們