高清881 高清903 am864 infomation
16.09.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
潘小濤:中佬之言 
04.07.2019        
     

七一衝擊立法會之後,一個中佬所寫的感想在連登刊載,現節錄一部分。他寫道:

我係五十後,想寫少少野俾香港人睇。

Q1:你地係香港特區追求左民主,真普選幾多年?(22年。)

Q2:你地究竟跟民陣行左幾多年,然後和平集會,散會,返去沖涼返工,繼續一邊鬧政府,然後繼續感到無能為力?

Q3:係姐,我地都唔應該鼓吹暴力行為。(講暴力,呢度有兩樣野:第一,立法會同政府咁多年究竟強行想推或推左幾多逆民意既政策同法例?廿三條、港視發牌、高鐵、三跑、港珠澳大橋、新界東北發展,依家中環海濱割讓……仲有,鉛水事件,沙中線偷工減料、沉降、梁振英UGL事件……
第二,更加唔好講612警方打記者,打示威者,亂咁開槍打頭,呢D係實質,活生生既暴力。你一直對溫水煮蛙仲要心安理得到幾時呢?)

Q4:咁尋日佢地究竟有幾極端暴力?(呢班人係咪真係只為一己私利,尋求破壞既暴徒?大家嘅義,係安於逸樂一成不變嘅義?點解大家唔安安份份打一世工就算數?你地究竟願意付出幾多?)

Q5:咁我地都可以血債票償佢地架嘛……

(一直以黎,究竟DQ左幾多個議員同參選人?你覺得制度內嘅嘢都無晒用,一班對明天失去希望嘅年輕人,想升級又要驚俾香港人唾罵嘅壓力之下,仲有咩可以做?)

Q6:最後,問番最根本問題:
1。林鄭落台未?
2。撤回左送中法未?
3。成立獨立委員會查警察濫權未?
4。釋放左班年輕人唔會CHARGE佢地暴動未?

乜都未。你地依家又打算重拾舊日既生活,都仲有工可以返,仲有家庭,仲有樓供。但係依家一班年輕人,佢地仲有乜?點解要去到有人自殺想政府讓步?點解要令佢地走向一條被捕就斷送前途既不歸路?

夏日炎炎,邊個唔想歎下冷氣。邊個想係街頭食催淚煙,唔係同男朋友拍下拖,去下旅行,放暑假休息下。過下舒適既生活。佢地都知道後果。但係佢地都不顧一切,係因為Have nothing to lose。唔係要大家一下子就去理解,但係咪應該唔好Blame the victims?點解我地唔可以槍頭一致,繼續將矛頭指向政府呢?我地呢一代老鬼,點解我地唔嘗試理解,接受?

最後都係引多句,如果一塊玻璃既暴力你睇唔過眼,咁果白白斷送既三條年輕人命叫做乜?香港繼續七一遊行,可以一路去到2046。但我幾相信,2046年都不可能追求到D乜!

(內容只反映主持人及個別參與人士的個人意見)
 
 
潘小濤:林鄭假落區是沒用…
16.09.2019
潘小濤:羅范的言論顯示政…
12.09.2019
潘小濤:警方的兩大中式法…
11.09.2019
潘小濤:惠譽下調評級不是…
10.09.2019
潘小濤:這樣查車怎可能讓…
09.09.2019
潘小濤:林鄭及中共的詭計…
06.09.2019
已經有0位網友作出回應

 
姓名: 潘小濤
真名/別名: 潘小濤
生日: 6月12日
星座: 自己查啦,懶鬼
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們