高清881 高清903 am864 infomation
16.12.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
潘小濤:八十後的意見呀,林鄭 
09.07.2019        
     

林鄭,這個八十後的意見,講得非常好,現節錄給妳聽,好嘛?他說:

我係土生土長係香港嘅八十後,生長係公屋家庭,大學畢業,搵到份專業工作,穩定同好唔錯嘅收入,聽商台陸叔請左馬時亨講自己點辛苦先捱到宜家嘅成就,年輕人唔可以自怨自艾,要把握好大灣區嘅機遇……真係越聽越嬲。其實佢哋呢班所謂嘅「大人」係完完全全唔明白年輕人,淨係一心用佢自己個套強加於年輕人身上。 宜家人哋連條命都唔要,以死明志,你叫佢哋去大灣區尋找機遇買樓?!

口口聲聲講咩聆聽後生仔嘅聲音,搞咩青年事務委員會,咩自薦計劃去加入年輕人嘅聲音入政府。首先你搵張建宗同劉公子嚟做正副主席已經夠離地,再搵啲識講啱聽說話嘅人入去圍爐取暖 。

一個八十幾歲嘅阿伯係到指指點點話宜家啲年輕人讀通識讀到讀壞腦;麟伯出嚟撐警,第一句就話自己唔識政治,唔識就收聲,繼續返去消費你僅餘嘅光陰!有邊個高官知道咩係連登、高登?咩係 Telegram?一路標榜自己超過四十年公僕生涯,從來都唔知呢個世界有其他價值,而唔係只有賺錢至上、功能至上的「中環價值」。年輕人擁抱更基礎嘅普世價值:「真」、「善」、「美」,所以佢哋先至會要求獨立調查委員會去睇番成件事嘅始末,所以先至會單獨破壞立法會呢個已經腐敗左嘅立法圖騰。

成個政府建制派同既得利益者將自己價值觀強姦於宜家嘅後生仔身上。年輕人嘅憤怒唔係淨係因為買唔到樓,上唔到車,不停咁講佢哋無得向上流所以咁重怨氣,其實只會令到佢哋更嬲。宜家世代嘅人最重視嘅係一個字「真」,啱就係啱,錯就係錯。但係呢個政府從來都做唔到,只係用一個大話嚟掩蓋另一個大話。

當大部份民意反對修例,就講成主流民意都贊同修例;台灣一早講唔會接受修例就一直都唔理;有幾十以至幾百條片指出警察涉嫌濫用權力,就力撐警方克制; 明明有相影到啲速龍小隊嘅制服上係冇顯示警員號碼,就話制服無位顯示。一個個赤裸裸嘅大話,謊言,先係最令到年輕人憤怒嘅原因。

點解香港人咁嚮往台灣?難道佢哋唔知台灣嘅經濟好差?搵嘅人工係香港嘅四分之一?因為台灣係真正擁抱多元自由嘅地方,你可以賺錢拼經濟,可以開一間小咖啡店、民宿……。呢個世界唔係只有搵工返工賺錢結婚生仔買樓買車退休先係唯一一條正確嘅人生路㗎!

(內容只反映主持人及個別參與人士的個人意見)
 
 
潘小濤:政治酬庸都酬得核…
13.12.2019
潘小濤:篤灰是人性中最卑…
12.12.2019
潘小濤:失敗後的檢討往往…
11.12.2019
潘小濤:香港的《返校》
10.12.2019
潘小濤:再現過百萬人的民…
09.12.2019
潘小濤:襲擊與會人士是記…
06.12.2019
已經有0位網友作出回應

 
姓名: 潘小濤
真名/別名: 潘小濤
生日: 6月12日
星座: 自己查啦,懶鬼
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們