881903.com 商業電台 - 聲音專欄詳細頁潘小濤：市民對警察的恐懼

潘小濤：市民對警察的恐懼
05.09.2019

林鄭終於回應了市民的一個訴求，那麼餘下的呢？特別是針對警方的過度武力及濫捕問題。

前兩日警方在旺角拘捕行動中，一名白衣男子途經彌敦道與界限街交界，向準備收隊的防暴警說了句：「7.21你哋去咗邊？你係咪跌咗啲野？係咪跌咗良心？」結果，幾個防暴警衝過去，追出馬路中心將他按在地上，並以亂棍毆打他，令他頭破血流。最後他被帶上警車離開。

這類畫面，幾乎每次拘捕行動都出現，以致市民對警方的恐懼與日俱增。在九月一日機場鄧寇克大撤退當日，防暴警衝落東涌地鐵站的車廂，市民見狀大為驚恐，有男士立即將同行的兩位女士擁在懷中，背向防暴警。看到這張照片，真的鼻子一酸。這是真正的自然反應，而最後雖然他沒被打，但身體最誠實，已告訴大家，他最驚的是甚麼。

前兩日我收到一位媽媽來說，九月一日為左趕搭暑假尾班車，陪子女去迪迪尼玩！她說，「諗住五點幾上到港鐵就冇事，但入閘時方知封站，職員都不知點做，只係叫我地搭R8! 開始落雨了，大家都趕住搭R8 巴士，以為上左車就好彩，點知去到青馬收費站，勁多人係度等車，冇巴士冇成！我抱住一個拖住一個，等左好耐車都冇巴士！E車全冇，A車去邊度都滿座！我知道班年青人幫人截車，我忍唔住問佢地可唔可以幫我睇下有冇車去青衣，佢地見到我，即係幫我截車，有位女仔照顧住我阿囡！好快有車了！佢地幫我地整理好bb 車，仲好有交帶同我地講bb 車係尾箱！我上到車果刻真係感動想喊！

車上都有兩名小朋友，第一句同佢地講你地辛苦了！佢地仲話多謝你地體諒！我忍不住講，我都唔知道可以為你地做到乜野！我只係諗到佢地全身黑衫，我話我係迪迪尼買左件衫，不如俾你地啦！佢地都婉拒左我！落車時候，同兩位小朋友講小心，最緊要安全！我呢一刻只係擔心佢地安危！我真係唔明點解叫佢地暴徒！暴徒係唔會咁好心！

到我冷靜時侯，覺得個天安排俾我遇見佢地既好！講真，如果我真係趕到班港鐵，一定會同防暴相遇，我兩個仔囡一定受驚嚇！個腦勁諗會唔會好似831咁被打....帶小朋友去玩唔通都有錯？莫非真係要長留守家裡，連出街自由都扼殺？」

（內容只反映主持人及個別參與人士的個人意見）