有報導話李嘉誠透過私人持有既創投基金投資美國一間叫做BitPay既比特幣支付公司。BitPay係網絡虛疑貨幣Bitcoin既支付平台，成立係 2011年中，暫時同全球200個國家既1.4萬家公司擁有交易往來，其中50%在美國本土，25%在歐洲，25%在其他地區。

2013年12月以來，中國、美國、歐盟、韓國等監管機構相繼發佈警示資訊，並採取措施防範Bitcoin可能帶黎既風險。

先唔理Bitcoin價錢點樣，佢短短幾年間比市場認識，認受性提高，唔少地方都可以流通，佢除左本身要有一套好好既idea之外，市場傳銷一定做得非常 出色，可以令佢短短幾年之間由寂寂無聞直至而家幾個國家出口話要封殺。可想而知，佢背後既支付平台BitPay既網絡關係，營運策略同佢背後既團隊有幾咁 精英。

Bitcoin係歐洲非常通用，歐洲經過債務危機之後仍然處於百廢待舉既時候，和黃要發展個邊既生意，網絡關係一定唔少得，透過BitPay支付平台仲可以了解歐洲網上既商業脈絡，再加上科技投資，回報隨時十倍百倍翻一翻。

超人就不嬲唔做蝕本生意，佢只係投資對佢黎講九牛一毛既錢，就可以買入呢個值博率其高既黑馬，佢仲唔係冷手執個熱剪堆?


(本聲音專欄只反映主持人及個別參與人士的個人意見。)