高清881 高清903 am864 infomation
19.11.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
黃潔慧:維園集會形式化又如何? 
06.06.2014        
     

18萬人迫爆維園。你問:「咁又點?集會完,中共會變天嗎?民主會從天而降嗎?人死能復生嗎?喺歷史嘅長河裡面,都唔知死過幾多人啦!」



係嘅。人生本來就有好多事,係徒勞無功嘅。清明重陽二祭,先人就一定保你家山有福、發達好運嗎?死追日本就南京大屠殺道歉,最少幾十萬中國人會死而復生嗎?每年九一一,等美國總統演說之後,逐一讀出近三千罹難者嘅名字,全球恐怖主義就會因而絕跡嗎?

詰問六四去維園晚會「咁形式化」有咩意思,其實觸及咗一個非常哲理深厚嘅問題,就係:人世間一切儀式,悼念嘅、喜慶嘅,全部都「咁形式化」架啦,與其問「咁形式化」嘅維園晚會有咩意思,不如索性問:人生大大小小咁多儀式,全部有咩意思呢?



人生,本來就有好多事,係徒勞無功嘅 ,而且,人生本來就有好多事,係唔應該、亦不必思量係咪保證勞而有功嘅。做人有時候就係有D事,只為回應內心或良知嘅呼喚而做架啦。有人話,你班香港人,年年先得一日會悼念六四,有幾真心?想自己良心好過D之嘛;想人做我做、幫自己戴民主光環之嘛。真係涼薄之極嘅廢話。你係邊位去忖度其他人點解悼念?你有超能力去判斷十幾萬人去六四晚會係為良心造假嗎?



何況,邊個夠資格一口否定六四晚會必然係徒勞無功嘅呢?曾子話:慎終追遠,民德歸厚。儀式,要講社會作用,就係薰陶同教化。只有人變,社會先會變,政權先會變。有D改變,要經歷十年,有D要歷百年。蝴蝶效應有冇聽過呢?一點一滴嘅改變,而家睇唔到,可能只係因為我哋太短視,或者太短命。



我唔反對六四晚會各家爭鳴,最好遍地開花,18區都有燭光晚會,以今年人數記,每區1萬人,你話場面幾壯觀呀。我係厭惡針對維園晚會嘅人身攻擊。各有各做,嘈乜啫。我想點樣悼念、去邊度悼念,都要由你dictate咩?去維園就係支聯會會員咩?任何人有其他追究六四屠城嘅行動,咪做囉。市民自然會好似思考係咪去維園集會咁,思考係咪會、或者點樣去支持其他行動。維園集會同其他追究行動,本來就冇重疊。就係咁簡單,唔係咩?


(本聲音專欄只反映主持人及個別參與人士的個人意見。)

 
 
黃潔慧:放下情緒、總結經…
08.09.2014
黃潔慧:我心中升起一股悲…
01.09.2014
黃潔慧:點解係進步
29.08.2014
黃潔慧:冧樹殺人不能算意…
26.08.2014
黃潔慧:這種盡力救狗法
25.08.2014
黃潔慧:撞死狗事件
22.08.2014
左右大局‧黃潔慧
已經有0位網友作出回應

 
姓名: 黃潔慧
真名/別名: 潔慧、MZ WONG
生日: 與曾鈺成和王力宏同一日
星座: 金牛三
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們