高清881 高清903 am864 infomation
16.12.2019
  1. 新聲上載
  2. 聲音專欄
  3. 節目主持
  4. 節目表
  5. 網上直播
  6. 節目重溫
  7. Apps
 
 
 
 
少林功夫打救紐約百老匯 
09.01.2009        
     

金融海嘯,已經令全球各行各業飽受摧殘。美國同日本嘅車廠相斷宣佈停產,英國老牌百貨公司,唔係裁員就執笠。連紐約百老匯音樂劇,亦因為金融海嘯,喺今年開始,《油脂》、《科學怪人》等12齣劇目都陸續停演,這一首《孤星淚》的歌遲啲可唔可以係百老匯聽到呢?真係話唔埋啦。

根據「百老匯聯盟」嘅統計,百老匯差唔多三十幾間劇院,喺舊年五月之前嘅12個月,賣左1200萬張門票。不過舊年十月金融海嘯爆發之後,門票銷售額下跌一成。聯盟又話,喺百老匯從事舞台劇嘅四千名演員同工作人員,亦因為舞台劇嘅場次少左,而收入大減。

傳統嘅劇目銷情唔理想,有製作人就出奇招,製作一齣叫《少林武魂》嘅功夫音樂劇,以中國功夫表演、氣硬功、中國舞蹈同雜技作賣。呢套劇喺下個禮拜上演,暫時未知銷情,不過佢嘅票價企得好硬,同百老匯好多經典嘅舞台劇大同少異,最貴嘅飛都要賣200美金。

百老匯舞台劇進軍中國人市場,唔單止靠少林功夫。百老匯唔少舞台劇呢幾年已經去到中國演出,其中《阿依達》頂級門票賣1280蚊人民幣,仲可以全場爆滿。

至於其他經典百老匯舞台劇,為左令中國觀眾睇得明,好多甚至將劇本譯成中文:好似《孤星淚》嘅中文版,舊年喺北京公演,而《名揚四海》(fame)除左譯左中文之外,仲搵埋中央戲劇學院嘅學生一齊演出,試圖吸引更多中國觀眾。

中國唔少投者其實亦會主動引入百老匯舞台劇。舊年年底,一個被稱為「中國百老匯」嘅中國國家排演中心,已開始喺北京海澱區興建。呢個項目包括32個劇場,其中包括一座可以坐到二千人嘅主劇場。搞呢個項目嘅公司,更加同紐約百老匯嘅製作公司簽左合約,會陸喺呢度演出《阿依達》、《獅子王》呢啲經典舞台劇。

金融危機令唔少行業,唔少大企業風聲鶴淚。紐約百老匯劇團就趁住呢個時候打入中國人圈子,或者係解救危機嘅一個好方法。

 (本聲音專欄只反映主持人及個別參與人士的個人意見。)

 
 
中國法國床頭打交床尾和
03.04.2009
免費睇動物買少見少
02.04.2009
簡約生活不簡單
01.04.2009
鬼網要小心
31.03.2009
粗口咪亂講
30.03.2009
香港駐台辦事處逼在眉睫
27.03.2009
已經有0位網友作出回應

 
姓名: 雷霆一擊小組
真名/別名: 雷霆一擊小組
生日:
星座:
 

DJ:
欄目:
     



關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們