高清881 高清903 am864 infomation
25.02.2020
  1. 聲音專欄
  2. 節目主持
  3. 節目表
  4. 排行榜
  5. 馬路的事
  6. 九〇三格
  7. Apps
娛樂 | 新聞

「樂大媽」樂易玲拆解小生炸彈

08.04.2011 14:43

【商台互動娛樂組】無綫近年鬧小生荒,偏偏四大小生卻在這個時候出現不少負面新聞,繼林峯爆出「峯霜戀」後,輪到馬德鐘老婆張筱蘭化名鬧爆高層,之後再有陳鍵鋒數臭公司刻薄無情,就連乖乖仔陳豪都為開舖推劇。面對一個個計時炸彈,身為無線製作資源部總監的「樂大媽」樂易玲卻處之泰然,一於無有怕。

「相信佢(馬德鐘)會留低!」
得悉被張筱蘭封為「樂大媽」,樂易玲笑言沒有反感:「我真係大媽,仔女多,而且我年紀確實唔細。」對於馬德鐘事後澄清是一場誤會,她指報道出街後,最擔心是他們夫婦間發生問題。當知道其實與合約有關後,她解釋早已跟馬德鐘約時間傾合約,但礙於雙方時間一直未能配合,終於拖延到昨晚才一邊吃飯一邊傾,「我相信佢會留低!」她又為馬德鐘設想,認為一線小生有人招手十分合理,「我叫佢諗吓先,同家人傾吓!」

「佢(林峯)介紹潘霜霜畀我嗰陣,我心裏面已經預咗出事!」
林峯被爆出「峯鋒戀」後,鏡頭前一直表現淡定,「佢成人畀人見到佢OK,但我哋知佢其實好慘!」她又透露出事後,林爸爸即時SMS了一段鼓勵說話給他,無論家人與她都沒有責怪過他,「千祈唔好再喺傷口灑鹽!」面對潘霜霜殺到埋身,樂易玲苦笑表示只能支持及安慰他,「大家都明白一世㗎喇!好似紋身,既來之則安之。」對於棒打鴛鴦之說,樂易玲自爆林峯早已介紹潘霜霜給她認識,「真父母都干涉唔到啦!當時佢好雀躍,或者嗰個人好好、好適合,但未必係最適合嘅時間,我心裡面預咗會出事。」她又指大家會幫助林峯振作。

「我諗佢(陳鍵鋒)係咪搞錯呢?」
曾被力捧的陳鍵鋒(Samuel)早前炮轟無綫刻薄無情,樂易玲直言跟Samuel溝通少,皆因他並非公司合約演員,所有事宜主要透過藝員部經理與其經理人溝通。對於Samuel狠批無綫刻薄,力數公司跟演員為幾十元爭抝,樂易玲質疑對方聽錯,「我哋一直講緊係幾多十個百分比,所以我諗係咪搞錯咗呢?不過唔緊要,搞番清楚就得!」此外,她又大讚Samuel靚仔、有氣質、演技好,睇好他會有更好的成就。

陳豪同廖碧兒分手,「又係唔啱嘅人喺唔啱嘅時間出現咗!」
至於被樂易玲稱讚「乖仔」的陳豪(Moses)繼與廖碧兒分手事件後,最近再被指因顧住開咖啡店而推劇,獨怒監製。她感慨地認為,「唔啱嘅人喺唔啱嘅時間出現咗,呢個唔係我哋想要嘅結果囉!」直言事件對廖碧兒的形象亦有一定影響。談到乖仔推劇,她聲言明白Moses的想法,「認識陳豪嘅人都知道呢個係佢夢想,記得他在《品味咖啡》的Ending,都講過會擁有一間咖啡店。」縱然明白,但對最後仍然以「推劇」解決感到無奈,「明白(檔期)總唔能夠只遷就他一個。」

一口氣論盡四位小生後,再談到佘詩曼離巢後,無綫有意另捧花旦補位,到底誰是公司欽點的上位女藝人?重溫今日雷霆881《巴巴閉 邊個夠我查篤撐》,聽吓樂大媽點講!

* * *

雷霆881《巴巴閉 邊個夠我查篤撐》逢星期一至五 10:30 – 12:00


 Tag   樂易玲   無綫   TV   馬德鐘   藝人合約   張筱蘭   陳鍵鋒   陳豪  
日期
由:
到:
類別:
關於商台 服務條款 私隱政策 廣告服務 使用條款 (商台節目重溫)
聯絡我們 FAQ 版權 加入我們