網球壇今年最後一項大滿貫美國公開賽，在紐約揭開戰幔。剛在北京奧運分別贏得男、女單金牌的西班牙球手拿度，同俄羅斯的迪文蒂娃，都在首圈苦戰後晉級。其中男單頭號種籽拿度，以直落三盤七六、六三及七六，淘汰德國的法烏。而拿班迪安同梅雷等種籽球手，亦都贏波躋身次圈。
迪文蒂娃就在女單首圈，面對世界排名七十八位的烏茲別克球手阿曼姆拉多娃，首盤先贏六四；但到第二盤，迪文蒂娃一度落後局數三比五，及後恢復鎮定，連取四局，反勝七五。國手李娜亦旗開得勝，以盤數二比一反勝以色列的皮爾。而九八年冠軍美國名將迪雲樸，因膝傷休養兩個半月後復出，以兩盤六四、六二，擊敗加拿大的沃茲妮婭琪。