超強颱風海燕重創菲律賓，災區一片狼藉，幾乎難以找到完整建築物。重災區塔克洛班市連日來斷電斷糧，水泵系統受損，未能提供足夠食水，加上衛生條件差，已有居民患上痢疾。當局雖然一再呼籲居民要煲滾食水，但好多災民至今都未得到救濟，口渴難忍，直接由地下渠打水飲。災區街道隨處見到屍體，破落的小教堂亦成為臨時停屍間，路透社報道指，市內部份地方堆放達五百具遺體。塔克洛班只靠三架軍用飛機提供救濟和撤離人員，災民蜂擁走向機場，堵塞道路，救援車輛寸步難行。機場客運大樓外，數千名災民露宿，一見到有軍機降落，就整爛停機坪外鐵絲網，企圖衝上飛機，但被軍警阻止。少數幸運的災民，獲准登上貨機前往馬尼拉及宿霧避難。