西班牙相隔半年再舉行的第二次國會選舉，仍然未能令政局變得明朗。代理首相拉霍伊領導的人民黨，得到最多的137席，比去年十二月的選舉多了14席，但依然未夠過半的176席，難以單獨籌組新政府。拉霍伊向支持者發表講話時，表示再次贏出大選，會尋求上台執政。報道指，得票排名第四的親商界政黨公民黨，有意同人民黨合作，兩黨的議席相加，距離國會過半只差八席。兩個左翼政黨，繼續排第二同第三，但合共的議席亦都不能過半。
有分析指，今次西班牙結果繼英國公投脫離歐盟後，再次向歐洲的主流政黨發出警號。不過亦有選民表明，因為見到英國公投脫歐，引起市場震蕩，所以今次投票給人民黨，希望結束政治亂局。