港鐵表示，荃灣綫來往中環站至荃灣站全綫，以及觀塘綫來往調景嶺站至黃埔站全綫服務，目前回復正常，每隔10分鐘開出一班車。

不過，受到全港多段鐵路露天段路綫，在強颱風山竹吹襲下，出現廣泛冧樹，亦有高壓線損毀，包括東鐵綫、馬鐵綫、西鐵綫，機鐵綫、東涌綫、輕鐵綫，仍需時恢復服務，其中東鐵綫、馬鞍山綫、西鐵露天段 ，輕鐵，迪士尼綫今天都不能恢復服務。在西鐵荃灣西站，有超過一百名乘客滯留，部份人聽到車站廣播，指荃灣西至屯門段及馬鐵綫，今日都不會恢復服務，鼓噪不滿，指已在站內等候超過十小時，以為在改發八號烈風或暴風信號後，可以有鐵路返屋企，而家要另想辦法。