八號東北烈風或暴風信號生效接近一日，港島杏花邨下午持續落雨，有時雨勢頗大，繼續有市民到海邊追風，不少家長帶同子女來到。有家長認為今次8號信號，風和雨都不算大，不擔心安全。亦有市民指，感覺下午風勢已有減弱，海面相對平靜，但部分湧浪仍有3至4米高。
在今早，杏花邨風勢和雨勢都有增強，現場海面不時湧起白頭浪，海水濺上海濱長廊，但早前岸邊水浸的積水已經退卻。有市民來追風，有杏花邨街坊指，今次八號風球雨量較少，比較涼爽，天氣不算惡劣，亦有住附近的市民特意來到觀賞大浪，但為了安全不會太近岸邊。