為慶祝北京奧運開幕一周年，今屆意大利超級盃移師奧運主場館鳥巢舉行，由意甲盟主國際米蘭，對意大利盃冠軍拉素。半場兩隊互無紀錄。國米派出多名新加盟球員正選亮相，包括伊杜奧、米列圖、盧斯奧，同中國球迷見面，球隊亦憑球員較佳個人質素，佔有較多攻勢。十五分鐘，國米大腳斬上前場，拉素右後衛滑倒，造成門前混亂，史坦高域和米列圖起腳，都無功而還。中堅盧斯奧其後兩次頭槌攻門，分別高出同被救出。拉素前鋒球星沙拉迪，禁區頂炮彈式射球亦過唔到國米門將施薩的十指關。入場球迷都拉起橫額，為兩隊打氣，但以國際米蘭的球迷佔較多，好多人都穿著國米的藍黑間主場球衣。